|    Dec 12 Wed, 2018 7:28 pm
FLASH NEWS
Home   >  Todays Paper  >  Page 4  >  

ഒമ്പതു പ്രതികളെയും കോടതി സിബിഐ കസ്റ്റഡിയില്‍ വിട്ടു

Published : 30th December 2017 | Posted By: kasim kzm

കൊച്ചി: ബിഎംഎസ് നേതാവ് അയനിക്കാട് സി ടി മനോജ് വധക്കേസില്‍ കഴിഞ്ഞദിവസം അറസ്റ്റിലായ പയ്യോളിയിലെ സിപിഎം നേതാക്കള്‍ ഉള്‍പ്പെടെയുള്ള ഒമ്പതു പേരെയും എറണാകുളം ചീഫ് ജുഡീഷ്യല്‍ മജിസ്‌ട്രേറ്റ് കോടതി സിബി ഐ കസ്റ്റഡിയില്‍ വിട്ടു. ജനുവരി 12 വരെ റിമാന്‍ഡ് ചെയ്ത ഇവരെ കൂടുതല്‍ ചോദ്യംചെയ്യലിനായി 10 വരെയാണ് ചീഫ് ജുഡീഷ്യല്‍ മജിസ്‌ട്രേറ്റ് എന്‍ ശേഷാദ്രിനാഥ് പ്രതികളെ കസ്റ്റഡിയില്‍ വിട്ടുനല്‍കിയിരിക്കുന്നത്. സിപിഎം ജില്ലാ കമ്മിറ്റിയംഗം ടി ചന്തു, ലോക്കല്‍ സെക്രട്ടറി പി വി രാമചന്ദ്രന്‍, ഏരിയാ കമ്മിറ്റിയംഗം സി സുരേഷ്, ലോക്കല്‍ കമ്മിറ്റിയംഗം എന്‍ സി മുസ്തഫ, കൗണ്‍സിലര്‍ കെ ടി ലിഗേഷ്, പി അനൂപ്, കെടക്കാട് അഖില്‍നാഥ്, നിരവത്ത് രതീഷ്, പി കെ കുമാരന്‍ എന്നിവരെയാണ് സിബിഐ സംഘം കഴിഞ്ഞദിവസം അറസ്റ്റ് ചെയ്തത്. വടകര സിബിഐ ക്യാംപ് ഓഫിസിലേക്ക് വിളിച്ചുവരുത്തിയ ശേഷമായിരുന്നു അറസ്റ്റ്. 2012 ഫെബ്രുവരി 12ന് രാത്രി ഒമ്പതിന് ബിഎംഎസ് നേതാവ് സി ടി മനോജിനെ വീട്ടില്‍ കയറി ഒരു സംഘം കൊലപ്പെടുത്തുകയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss