|    Jan 16 Mon, 2017 6:43 pm

ഒമാനില്‍ വാഹനാപകടം; 18 മരണം

Published : 2nd March 2016 | Posted By: SMR

മസ്‌ക്കത്ത്: പടിഞ്ഞാറന്‍ ഒമാനിലെ ഇബ്രിക്ക് സമീപം നഹ്ദയിലുണ്ടായ വാഹനാപകടത്തില്‍ 18 പേര്‍ മരിച്ചു. 16 പേര്‍ക്കു പരിക്കേറ്റു. ഇന്നലെ പുലര്‍ച്ചെ ഒന്നോടെയാണു സംഭവം.
മരിച്ചവരില്‍ ആറ് ഒമാന്‍ സ്വദേശികളും നാലു സൗദി പൗരന്മാരും രണ്ടു പാകിസ്താനികളും ഒരു യമനിയും ഉള്‍പ്പെടുന്നു. അഞ്ചു മൃതദേഹങ്ങള്‍ തിരിച്ചറിഞ്ഞിട്ടില്ല. ഇന്ത്യക്കാര്‍ ആരും അപകടത്തില്‍ ഉള്‍പ്പെട്ടിട്ടില്ലെന്നാണു സൂചന.
11 ഒമാന്‍ സ്വദേശികള്‍, രണ്ടു സൗദി പൗരന്മാര്‍, ഓരോ ചൈന, പാകിസ്താന്‍ സ്വദേശികള്‍, തിരിച്ചറിയാത്ത ഒരാള്‍ എന്നിവര്‍ക്കാണു പരിക്കേറ്റത്.
ഗുരുതരമായി പരിക്കേറ്റ അഞ്ചുപേരെ ഇബ്രി ആശുപത്രിയിലെ തീവ്രപരിചരണവിഭാഗത്തില്‍ പ്രവേശിപ്പിച്ചു. സലാലയില്‍നിന്ന് ദുബയിലേക്കു പോവുകയായിരുന്ന ഗള്‍ഫ് ട്രാന്‍സ്‌പോര്‍ട്ട് കമ്പനിയുടെ (ജിടിസി) പാസഞ്ചര്‍ ബസ് സഫൂദ് റോഡില്‍ ട്രക്കിലും കാറിലും ഇടിക്കുകയായിരുന്നു.
28 യാത്രക്കാര്‍ ബസ്സിലുണ്ടായിരുന്നു. മൃതദേഹങ്ങള്‍ ഇബ്രി, നിസ്‌വ, ബഹ്‌ല ആശുപത്രികളിലേക്കു മാറ്റിയതായി ഒമാന്‍ പോലിസ് വക്താവ് അറിയിച്ചു.

Share on FacebookShare on Google+Tweet about this on TwitterShare on LinkedIn
(Visited 52 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക