|    Jun 20 Wed, 2018 10:55 pm
FLASH NEWS
Home   >  Todays Paper  >  Page 4  >  

ഒബിസി വായ്പാ പദ്ധതിവരുമാനപരിധി ഉയര്‍ത്തി

Published : 9th June 2018 | Posted By: kasim kzm

കണ്ണൂര്‍: സംസ്ഥാന പിന്നാക്ക വിഭാഗ വികസന കോര്‍പറേഷന്‍ മറ്റു പിന്നാക്ക വിഭാഗത്തില്‍ (ഒബിസി) ഉള്‍പ്പെട്ടവര്‍ക്ക് വേണ്ടി നടപ്പാക്കുന്ന വിവിധ വായ്പാ പദ്ധതികളുടെ കുടുംബ വാര്‍ഷിക വരുമാനപരിധി 1,20,000 രൂപയില്‍നിന്ന് 3,00,000 രൂപയായി ഉയര്‍ത്തി.
നിലവില്‍ വായ്പ ലഭിക്കുന്നതിന് അര്‍ഹതയില്ലാതിരുന്ന ഒട്ടേറെ പേര്‍ക്ക് ഈ നടപടിയുടെ പ്രയോജനം ലഭിക്കും. ഒബിസി വിഭാഗക്കാര്‍ക്ക് 6 മുതല്‍ 7 ശതമാനം വരെ പലിശനിരക്കി ല്‍ 10 ലക്ഷം രൂപ വരെ സ്വയം തൊഴില്‍ വായ്പയും 3.5 മുതല്‍ 4 ശതമാനം വരെ പലിശനിരക്കില്‍ 20 ലക്ഷം രൂപ വരെ വിദ്യാഭ്യാസ വായ്പയും 75 ശതമാനമെങ്കിലും ഒബിസി വിഭാഗത്തില്‍പ്പെട്ട അംഗങ്ങള്‍ ഉള്‍പ്പെട്ട അയല്‍ക്കൂട്ടങ്ങള്‍ക്ക് വിതരണം ചെയ്യുന്നതിനായി കുടുംബശ്രീ സിഡിഎസുകള്‍ക്ക് 2.5 മുതല്‍ 3.5 ശതമാനം പലിശനിരക്കില്‍ 2 കോടി രൂപ വരെ മൈക്രോ ക്രെഡിറ്റ് വായ്പയും ലഭിക്കും.
പ്രവാസികള്‍ക്ക് 3 ലക്ഷം രൂപ വരെ മൂലധന സബ്‌സിഡി ലഭിക്കുന്ന റീ-ടേണ്‍ പദ്ധതി, പ്രഫഷനലുകള്‍ക്ക് 2 ലക്ഷം രൂപവരെ മൂലധന സബ്‌സിഡി ലഭിക്കുന്ന സ്റ്റാര്‍ട്ടപ് പദ്ധതി എന്നിവ പ്രകാരം 20 ലക്ഷം രൂപ വരെ 6 മുതല്‍ 7 ശതമാനം വരെ പലിശനിരക്കില്‍ അനുവദിക്കും. ഇതിനു പുറമെ പെണ്‍കുട്ടികളുടെ വിവാഹം, ഗൃഹനിര്‍മാണം, ഗൃഹപുനരുദ്ധാരണം തുടങ്ങിയ വിവിധ ആവശ്യങ്ങള്‍ക്ക് വായ്പ അനുവദിക്കുന്നതിനുള്ള പദ്ധതികളും നിലവിലുണ്ട്.
വായ്പാ അപേക്ഷാ ഫോറം ജില്ലാ/ഉപജില്ലാ ഓഫിസുകളില്‍ നിന്ന് ലഭിക്കും.    വിശദവിവരങ്ങള്‍ക്ക് ംംം.സയെരറര.രീാ സന്ദര്‍ശിക്കുക.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss