|    Dec 14 Thu, 2017 10:02 am
FLASH NEWS

‘ഒന്നിച്ചൊന്നായ്’ ജില്ലാതല ഉദ്ഘാടനം

Published : 4th December 2017 | Posted By: kasim kzm

എടപ്പാള്‍: ലോക ഭിന്നശേഷി ദിനാചരണത്തിന്റെ ഭാഗമായി നടന്ന ജില്ലാതല ഭിന്നശേഷി ദിനാചരണം മൂക്കുതല പി ചിത്രന്‍ നമ്പൂതിരിപ്പാട് ഹയര്‍സെക്കന്‍ഡറി സ്‌കൂളില്‍ പൊന്നാനി ബ്ലോക്ക് പഞ്ചായത്ത് പ്രസിഡന്റ് കെ ലക്ഷ്മി ഉദ്ഘാടനം ചെയ്തു. കെ കെ മണികണ്ഠന്‍ അധ്യക്ഷതവഹിച്ചു. കുട്ടിക്കൊരു പുസ്തകം പദ്ധതിയുടെ ഉദ്ഘാടനം ഗ്രാമപഞ്ചായത്ത് വൈസ് പ്രസിഡന്റ് ടി കോമളം നിര്‍വഹിച്ചു.
ഫിസിയോ തെറാപ്പി സെന്ററിന്റെ ഉദ്ഘാടനം പഞ്ചായത്ത് പ്രസിഡന്റ് ടി സത്യനും ഫിസിയോ തെറാപ്പി ഉപകരണങ്ങളുടെ ഏറ്റുവാങ്ങല്‍ എസ്എസ്എ മലപ്പുറം പ്രൊജക്ട് ഓഫിസര്‍ എന്‍ നാസറും നിര്‍വഹിച്ചു. ബ്ലോക്ക് പഞ്ചായത്തംഗം അനിത ദിനേശന്‍, കെ കെ ലക്ഷ്മണന്‍, ജില്ലാ പഞ്ചായത്തംഗം എം ബി ഫൈസല്‍, കെ കെ രാജന്‍, റീനാ വേലായുധന്‍, വിനയകുമാര്‍ എടപ്പാള്‍, എഇഒ സി പ്രദീപ്കുമാര്‍, ടോളി മാത്യു, ഹരികുമാര്‍, എം മോഹനന്‍ നിഹാദ്, സി ഹരിശങ്കര്‍, പ്രിന്‍സിപ്പല്‍ കെ ബീന സംസാരിച്ചു. തുടര്‍ന്ന് ഭിന്നശേഷി വിദ്യാര്‍ഥികളുടെ കലാമേളയും ചിത്രപ്രദര്‍ശനവും കുടുംബ സംഗമവും നടന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക