|    Apr 29 Sat, 2017 6:52 pm
FLASH NEWS

ഒന്നാം ക്ലാസ് പ്രവേശനത്തിന് എത്തിയ കുട്ടി കാറിടിച്ച് മരിച്ചു

Published : 20th April 2017 | Posted By: fsq

 

പത്തനംതിട്ട: ഒന്നാം ക്ലാസ് പ്രവേശനത്തിന് എത്തിയ കുട്ടി സ്‌കൂളിന് സമീപം കാറിടിച്ച് മരിച്ചു. പ്രമാടം മറൂര്‍ നെടിയത്ത് വീട്ടില്‍ ശ്രീജിത്-അശ്വതി ദമ്പതികളുടെ മകന്‍ അര്‍ജുന്‍ കൃഷ്ണ (5) ആണ് മരിച്ചത്. ഇന്നലെ രാവിലെ 11ന്  കല്ലറക്കടവില്‍ അമൃത വിദ്യാലയത്തിന് സമീപമായിരുന്നു അപകടം. അമൃത വിദ്യാലയത്തില്‍ പ്രവേശനം നേടാന്‍ അമ്മയ്ക്കും മുത്തച്ഛനും ജ്യേഷ്ഠനും ഒപ്പമാണ് അര്‍ജുന്‍ എത്തിയത്. മുത്തച്ഛന്റെ കൈ പിടിച്ചു നടക്കുകയായിരുന്ന അര്‍ജുന്‍ പെട്ടെന്ന് കൈവിട്ട് റോഡിലേക്ക് ഓടിക്കയറിയപ്പോള്‍ കാറിടിക്കുകയായിരുന്നുവെന്ന് പറയുന്നു. ഉടന്‍ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അര്‍ജുന്റെ ജ്യേഷ്ഠന്‍ അഭിനവ് കൃഷ്ണ ഇതേ സ്‌കൂളില്‍ അഞ്ചാം ക്ലാസ് വിദ്യാര്‍ഥിയാണ്. പത്തനംതിട്ട കെഎസ്ആര്‍ടിസി ഡിപ്പോയില്‍ ഡ്രൈവറാണ് ശ്രീജിത്.

                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day