|    Jan 22 Sun, 2017 9:46 pm
FLASH NEWS

ഒന്നാം ഏകദിനം: ന്യൂസിലന്‍ഡിന് ഉജ്ജ്വല ജയം

Published : 4th February 2016 | Posted By: SMR

ഓക്‌ലന്‍ഡ്: ആസ്‌ത്രേലിയക്കെതിരായ ഒന്നാം ഏകദിന ക്രിക്കറ്റ് മല്‍സരത്തില്‍ ആതിഥേയരായ ന്യൂസിലന്‍ഡിന് തകര്‍പ്പന്‍ ജയം. ബാറ്റ്‌സ്മാന്‍മാര്‍ക്കു പിറകെ ബൗളര്‍മാരും മിന്നിയപ്പോള്‍ ഓസീസിനെതിരേ 159 റണ്‍സിന്റെ ഉജ്ജ്വല ജയമാണ് ന്യൂസിലന്‍ഡ് സ്വന്തമാക്കിയത്.
ഓസീസിനെതിരേ ഏകദിനത്തില്‍ ന്യൂസിലന്‍ഡ് നേടുന്ന ഏറ്റവും വലിയ രണ്ടാമത്തെ വിജയമാണിത്. ജയത്തോടെ മൂന്നു മല്‍സരങ്ങളുടെ പരമ്പരയില്‍ 1-0ന്റെ ലീഡ് നേടാനും കിവീസിന് സാധിച്ചു.
ടോസ് നഷ്ടപ്പെട്ട് ആദ്യം ബാറ്റ് ചെയ്ത ന്യൂസിലന്‍ഡ് നിശ്ചിത ഓവറില്‍ എട്ടു വിക്കറ്റിന് 307 റണ്‍സ് അടിച്ചെടുക്കുകയായിരുന്നു. 76 പന്തില്‍ എട്ട് ബൗണ്ടറിയും അഞ്ച് സിക്‌സറും ഉള്‍പ്പെടെ 90 റണ്‍സെടുത്ത ഓപണര്‍ മാര്‍ട്ടിന്‍ ഗുപ്റ്റിലാണ് ആതിഥേയരുടെ ടോപ്‌സ്‌കോറര്‍.
ഹെന്റ്‌റി നികോള്‍സ് (61), ക്യാപ്റ്റന്‍ ബ്രെണ്ടന്‍ മക്കല്ലം (44), മിച്ചെല്‍ സാന്റ്‌നര്‍ (35*) എന്നിവരും ന്യൂസിലന്‍ഡ് ബാറ്റിങ് നിരയില്‍ തിളങ്ങി.
മറുപടിയില്‍ കിവീസ് ബൗളര്‍മാര്‍ക്കു മുന്നില്‍ ഓസീസിന് പിടിച്ചുനില്‍ക്കാനായില്ല. ഇതോടെ ഓസീസിന്റെ പോരാട്ടം 24.2 ഓവറില്‍ 148 റണ്‍സിന് അവസാനിക്കുകയായിരുന്നു.
37 റണ്‍സെടുത്ത മാത്യു വെയ്ഡാണ് ഓസീസിന്റെ ടോപ്‌സ്‌കോറര്‍.
ന്യൂസിലന്‍ഡിനായി ട്രെന്റ് ബോള്‍ട്ടും മാറ്റ് ഹെന്റ്‌റിയും മൂന്നു വിക്കറ്റ് വീതം വീഴ്ത്തി തിളങ്ങി. സാന്റ്‌നറിന് രണ്ടും ആദം മില്‍നെ, കോറി ആന്‍ഡേഴ്‌സന്‍ എന്നിവര്‍ക്ക് ഓരോ വിക്കറ്റ് വീതവും ലഭിച്ചു.
ഗുപ്റ്റിലാണ് മാന്‍ ഓഫ് ദി മാച്ച്. പരമ്പരയിലെ രണ്ടാം ഏകദിനം ശനിയാഴ്ച വെല്ലിങ്ടണില്‍ അരങ്ങേറും.

Share on FacebookShare on Google+Tweet about this on TwitterShare on LinkedIn
(Visited 57 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക