|    Feb 20 Tue, 2018 1:26 pm
FLASH NEWS
Home   >  Sports  >  Cricket  >  

ഒത്തുകളി ആരോപണം: പാകിസ്താന്‍ കളിച്ചിട്ടാണ് ഫൈനലിലെത്തിയതെന്ന് സൗരവ് ഗാംഗുലി

Published : 17th June 2017 | Posted By: ev sports

ന്യൂഡല്‍ഹി: ഒത്തുകളിച്ചാണ് പാകിസ്താന്‍ ഫൈനലിലെത്തിയതെന്ന ആരോപണത്തില്‍ പാകിസ്താന്‍ ടീമിന് പിന്തുണയുമായി മുന്‍ ഇ്ന്ത്യന്‍ നായകന്‍ സൗരവ് ഗാംഗുലിയും ഇന്ത്യന്‍ സ്പിന്നര്‍ ഹര്‍ഭജന്‍ സിങും. പാകിസ്താന്‍ ഫൈനലിലെത്തിയത് ഒത്തുകളിച്ചിട്ടാണെന്ന് മുന്‍ പാക് ക്യാപ്റ്റന്‍ ആമിര്‍ സുഹൈല്‍ കഴിഞ്ഞ ദിവസം ആരോപിച്ചിരുന്നു.
വിഷയത്തില്‍ രൂക്ഷമായ ഭാഷയിലാണ് ഗാംഗുലി ആമിറിനെതിരേ പ്രതികരിച്ചത്. ആരോപണം വിഢിത്തവും അടിസ്ഥാനരഹിതമാണെന്നും ഗാംഗുലി വ്യക്തമാക്കി. രാജ്യത്തിന് വേണ്ടി കളിച്ച് ഫൈനലിലെത്തിയ പാക് ടീമിനെയും ക്യാപ്റ്റന്‍ സര്‍ഫ്രാസിനെയും അഭിനന്ദിക്കുകയാണ് വേണ്ടതെന്നും ഗാംഗുലി പറഞ്ഞു. നിരവധി പ്രതിസന്ധികള്‍ തരണം ചെയ്ത് ഫൈനല്‍ വരെയെത്തിയ പാക് ടീമിനെ പിന്തുണക്കാന്‍ പോലും ആരും രംഗത്തില്ല. ക്രിക്കറ്റ് കളിക്കാനുള്ള അടിസ്ഥാന സൗകര്യങ്ങള്‍ പോലുമില്ലാത്ത നാട്ടില്‍ നിന്ന് വന്നെത്തി, ദക്ഷിണാഫ്രിക്കയെയും ശ്രീലങ്കയെയും ഇംഗ്ലണ്ടിനെയുമാക്കെ തോല്‍പിച്ചു. ഇത് അവരെ പ്രശംസിക്കേണ്ട മുഹൂര്‍ത്തമാണ്. സംസ്‌കാരമില്ലാത്തവര്‍ക്ക് മാത്രമേ സ്വന്തം രാജ്യത്തിനെതിരേ ഇത്തരം തരംതാണ പ്രസ്താവനകള്‍ ഇറക്കാന്‍ കഴിയുകയുള്ളൂവെന്നും ഗാംഗുലി പറഞ്ഞു. സുഹൈലിന്റെ ആരോപണം അടിസ്ഥാന രഹിതമാണെന്നും സ്വന്തം രാജ്യത്തെ പോലും പിന്തുണക്കാത്തവരെ ആരും ബഹുമാനിക്കുകയില്ലെന്നും ഹര്‍ഭജന്‍ സിങും പ്രതികരിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss