|    Jun 22 Fri, 2018 10:50 pm
FLASH NEWS
Home   >  Todays Paper  >  page 7  >  

ഒഡീഷ മുഖ്യമന്ത്രിയെ ഒഡിയ ഭാഷ പഠിപ്പിക്കാന്‍ ശ്രമിച്ചവര്‍ കസ്റ്റഡിയില്‍

Published : 3rd April 2016 | Posted By: SMR

ഭുവനേശ്വര്‍: ഒഡീഷ മുഖ്യമന്ത്രി നവീന്‍ പട്‌നായിക്കിനെ ഒഡിയ ഭാഷ പഠിപ്പിക്കാന്‍ ശ്രമിച്ച അഞ്ച് എന്‍എസ്‌യുഐ പ്രവര്‍ത്തകരെ പോലിസ് കസ്റ്റഡിയിലെടുത്തു. നവീന്‍ പട്‌നായിക്കിന് ഒഡിയയില്‍ പ്രാവിണ്യമില്ലെന്നാരോപിച്ചാണ് കോണ്‍ഗ്രസ് വിദ്യാര്‍ഥി സംഘടന പ്രകടനവുമായി മുഖ്യമന്ത്രിയുടെ വസതിയിലെത്തിയത്. ഭാഷാപഠന സഹായി, ചോക്ക്, ഡസ്റ്റര്‍, പേന, കൈപ്പുസ്തകങ്ങള്‍ തുടങ്ങിയ പഠനോപകരണങ്ങളോടെയായിരുന്നു പ്രകടനം. എന്‍എസ്‌യുഐ സംസ്ഥാനഘടകം പ്രസിഡന്റ് ഇതിഹാസ് പ്രധാന്റെ നേതൃത്വത്തിലായിരുന്നു പ്രകടനം. മുഖ്യമന്ത്രിക്ക് ഒഡിയ ഭാഷ അറിയില്ലെന്നും അതു നാണക്കേടാണെന്നും അവര്‍ പറഞ്ഞു. 15 വര്‍ഷമായി മുഖ്യമന്ത്രിപഥത്തിലിരിക്കുന്ന പട്‌നായിക് ഭാഷ പഠിക്കുംവരെ പ്രതിഷേധം തുടരുമെന്നും എന്‍എസ്‌യുഐ വ്യക്തമാക്കി. നഷ്ടപ്പെട്ട വിശ്വാസ്യത വീണ്ടെടുക്കാനാണ് എന്‍എസ്‌യുഐ ശ്രമിക്കുന്നതെന്ന് ബിജെഡി പ്രതികരിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss