|    Nov 13 Tue, 2018 8:13 am
FLASH NEWS

ഒടയംചാല്‍ സ്വദേശിയുടെ ഒരു കോടി തട്ടി; മുന്‍മന്ത്രിയുടെ പിഎ അടക്കം അഞ്ചുപേര്‍ക്കെതിരേ കേസ്‌

Published : 14th July 2018 | Posted By: kasim kzm

കാഞ്ഞങ്ങാട്: ഒടയംചാല്‍ സ്വദേശിയുടെ ഒരുകോടി രൂപ തട്ടിയെടുത്തുവെന്ന പരാതിയില്‍ മുന്‍മന്ത്രി കെ ബാബുവിന്റെ പിഎ ഉള്‍പ്പെടെ അഞ്ചുപേര്‍ക്കെതിരേ മുഖ്യമന്ത്രിയുടെ നിര്‍ദ്ദേശപ്രകാരം രാജപുരം പോലിസ് കേസെടുത്തു. ഒടയംചാല്‍ സ്വദേശി ബിനീഷ് ജോര്‍ജ് പോളിന്റെ പരാതിയില്‍ മന്ത്രിയുടെ അസിസ്റ്റന്റായിരുന്ന തിരുവനന്തപുരം നേമം ശ്രീകേശവപുരത്തെ കിരണ്‍ ജെ നായര്‍, ഭാര്യ ശിവശ്യാമ, നേമം എടപ്പുഴയിലെ ശശികുമാര്‍ നായര്‍, ഇടപ്പഞ്ഞിയിലെ വി രാഹുല്‍, നെയ്യാറ്റിന്‍കര തരിശുംമൂട് ശങ്കര്‍നിവാസില്‍ ജയശങ്കര്‍ എന്നിവര്‍ക്കെതിരെയാണ് കേസ്.
2016 ജനുവരി 28 മുതല്‍ ഒക്ടോബര്‍ ഒന്നുവരെയുള്ള കാലയളവില്‍ പലതവണകളായി ഒരു കോടി രൂപ നല്‍കിയെന്നാണ് പരാതി. വിഴിഞ്ഞം പദ്ധതി പ്രദേശത്തെ റിയല്‍ എസ്റ്റേറ്റ് ബിസിനസില്‍ പങ്കാളിയാക്കാമെന്ന് വാഗ്ദാനം ചെയ്താണ്് പണം തട്ടിയത്. ബിനീഷ് മുഖ്യമന്ത്രിക്ക് നല്‍കിയ പരാതിയിലാണ് കേസെടുത്തത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss