|    Jan 19 Thu, 2017 3:49 am
FLASH NEWS

ഐ ലീഗ്: ബംഗളൂരൂവിനെ ഗോള്‍ മഴയില്‍ മുക്കി ബഗാന്‍

Published : 24th April 2016 | Posted By: SMR

ഷില്ലിഗുരി: ഐ ലീഗ് കിരീടം തിരിച്ചുപിടിച്ചതിന്റെ ആവേശത്തിലിറങ്ങിയ ബംഗളൂരു എഫ്‌സിക്ക് സീസണിലെ അവസാന മല്‍സരത്തില്‍ കനത്ത തോല്‍വി. കഴിഞ്ഞ തവണത്തെ ചാംപ്യന്‍മാരായ മോഹന്‍ ബഗാനാണ് കിരീടം കൈവിട്ടതിന്റെ അരിശം ബംഗളൂരുവിനോട് തീര്‍ത്തത്.
മല്‍സരത്തില്‍ എതിരില്ലാത്ത അഞ്ചു ഗോളുകള്‍ക്കാണ് ബഗാന്‍ ബംഗളൂരുവിനെ തകര്‍ത്തെറിഞ്ഞത്. ഇരു ടീമിന്റേയും സീസണിലെ അവസാന ഐ ലീഗ് മല്‍സരം കൂടിയായിരുന്നു ഇത്. നേരത്തെ സീസണിലെ ഒരു മല്‍സരം ശേഷിക്കെ തന്നെ ബംഗളൂരു ഐ ലീഗ് കിരീടം സ്വന്തമാക്കിയിരുന്നു. 16 മല്‍സരങ്ങളില്‍ നിന്ന് 32 പോയിന്റോടെയാണ് ബംഗളൂരു സീസണ്‍ അവസാനിപ്പിച്ചത്. രണ്ടാമതുള്ള ബഗാന്‍ ഇത്രയും മല്‍സരങ്ങളില്‍ നിന്ന് 30 പോയിന്റ് നേടി.
ബംഗളൂരുവിനെതിരേ ബഗാനു വേണ്ടി കോര്‍നെല്‍ ഗ്ലെന്‍ ഇരട്ട ഗോള്‍ നേടി. ഒമ്പത്, 74 മിനിറ്റുകളിലായിരുന്നു താരത്തിന്റെ ഗോള്‍ നേട്ടം. ലെന്നി റോഡ്രിഗസ് (21ാം മിനിറ്റ്), ലൂസിയാനോ സബ്രോസ (23), അസഹ്‌റുദ്ദീന്‍ മാലിക് (28) എന്നിവരാണ് ബഗാന്റെ മറ്റു സ്‌കോറര്‍മാര്‍.
മറ്റൊരു മല്‍സരത്തില്‍ സ്‌പോര്‍ട്ടിങ് ക്ലബ്ബ് ഗോവ 3-0ന് സാല്‍ഗോക്കര്‍ എഫ്‌സിയെ തോല്‍പ്പിച്ചു.

Share on FacebookShare on Google+Tweet about this on TwitterShare on LinkedIn
(Visited 37 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക