|    Dec 15 Fri, 2017 10:17 am
Home   >  Todays Paper  >  page 12  >  

ഐ.എഫ്.എഫ്.കെ: ഒമ്പത് മലയാള ചിത്രങ്ങള്‍പ്രദര്‍ശിപ്പിക്കും

Published : 12th October 2015 | Posted By: swapna en

തിരുവനന്തപുരം: ഡിസംബര്‍ നാലുമുതല്‍ 11 വരെ തിരുവനന്തപുരത്ത് നടക്കുന്ന 20ാമത് രാജ്യാന്തര ചലച്ചിത്രോല്‍സവത്തില്‍ (ഐ.എഫ്.എഫ്. കെ) ഒമ്പതു മലയാള ചിത്രങ്ങ ള്‍ പ്രദര്‍ശിപ്പിക്കും. രണ്ടെണ്ണം മല്‍സരവിഭാഗത്തിലും ഏഴെണ്ണം മലയാള സിനിമ ഇന്ന് എന്ന വിഭാഗത്തിലുമായിരിക്കും. ജയരാജ് സംവിധാനം ചെയ്ത ഒറ്റാല്‍, സതീഷ് ബാബുസേനന്റെ ചായംപൂശിയ വീട്’എന്നിവയാണു മല്‍സരവിഭാഗത്തിലേക്കു തിരഞ്ഞെടുക്കപ്പെട്ടിട്ടുള്ളത്.

മലയാള സിനിമ ഇന്ന് എന്ന വിഭാഗത്തില്‍ സിദ്ധാര്‍ഥ് ശിവ സംവിധാനം ചെയ്ത ഐന്‍, ഡോ. ബിജു ഒരുക്കിയ വലിയ ചിറകുള്ള പക്ഷികള്‍, സലിം അഹമ്മദിന്റെ പത്തേമാരി, സനല്‍കുമാര്‍ ശശിധരന്‍ സംവിധാനം ചെയ്ത ഒഴിവുദിവസത്തെ കളി, വി കെ പ്രകാശിന്റെ നിര്‍ണായകം, ആര്‍.എസ്. വിമല്‍ സംവിധാനം ചെയ്ത എന്ന് നിന്റെ മൊയ്തീന്‍, ആര്‍ ഹരികുമാറിന്റെ കാറ്റും മഴയും എന്നിവ പ്രദര്‍ശിപ്പിക്കും. മാലതി സഹായ് അധ്യക്ഷയും എം എഫ് തോമസ്, ചന്ദ്രശേഖര്‍, മുദ്ര ശശി, സുധീഷ് കാമത്ത് എന്നിവര്‍ അംഗങ്ങളുമായുള്ള ജൂറിയാണു ചിത്രങ്ങള്‍ തിരഞ്ഞെടുത്തത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക