|    Jul 24 Mon, 2017 12:38 am
FLASH NEWS
Home   >  Todays Paper  >  page 7  >  

ഐപിഎല്‍: മെയ് ഒന്നിന് പൂനെയില്‍ നടത്താന്‍ അനുമതി

Published : 21st April 2016 | Posted By: SMR

മുംബൈ: മുംബൈ ഇന്ത്യന്‍സും റൈസിങ് പൂനെ സൂപ്പര്‍ ജയന്റ്‌സും തമ്മിലുള്ള ഐപിഎല്‍ ക്രിക്കറ്റ് മല്‍സരം മെയ് ഒന്നിനു പൂനെയില്‍ നടത്താന്‍ ബോംബെ ഹൈക്കോടതി ബിസിസിഐക്ക് അനുവാദം നല്‍കി.
മല്‍സരം മഹാരാഷ്ട്രയ്ക്കു വെളിയില്‍ നടത്തുന്നതിനു പ്രയാസങ്ങളുണ്ടെന്നു ചൂണ്ടിക്കാട്ടി ബിസിസിഐ ജനറല്‍ മാനേജര്‍ രത്‌നാകര്‍ ഷെട്ടി സമര്‍പ്പിച്ച ഹരജിയിലാണ് ജസ്റ്റിസുമാരായ വി എം കാനഡെ, എം എസ് കാര്‍ണിക് എന്നിവരടങ്ങിയ ഡിവിഷന്‍ ബെഞ്ചിന്റെ അനുമതി.
കടുത്ത വരള്‍ച്ചയുടെ പശ്ചാത്തലത്തില്‍ ഈ മാസം 30നു ശേഷമുള്ള മല്‍സരങ്ങള്‍ മഹാരാഷ്ട്രയ്ക്കു വെൡയില്‍ നടത്താന്‍ ഒരാഴ്ച മുമ്പ് ഹൈക്കോടതി നിര്‍ദേശിച്ചിരുന്നു. 29ന് പൂനെയില്‍ ഗുജറാത്ത് ലയണ്‍സുമായി ഏറ്റുമുട്ടുന്ന പൂനെ ടീമിന് മെയ് ഒന്നിനു നടക്കുന്ന മല്‍സരത്തില്‍ പങ്കെടുക്കാന്‍ മഹാരാഷ്ട്രയ്ക്കു പുറത്തുപോവാന്‍ പ്രയാസമാണെന്നു ഹരജിയില്‍ ചൂണ്ടിക്കാട്ടി.
പിച്ച് നനയ്ക്കാന്‍ 60 ലക്ഷം ലിറ്ററിലധികം വെള്ളം വേണ്ടതിനാല്‍ വരള്‍ച്ച രൂക്ഷമായ മഹാരാഷ്ട്രയില്‍ നിന്നു മല്‍സരം മാറ്റണമെന്നാവശ്യപ്പെട്ട് ലോകസാത്ത് എന്ന സന്നദ്ധസംഘടന നല്‍കിയ ഹരജിയിലായിരുന്നു ഹൈക്കോടതി ഇടപെടലുണ്ടായത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക