|    Jan 18 Thu, 2018 11:30 pm
FLASH NEWS
Home   >  Sports  >  Cricket  >  

ഐപിഎല്‍ താരലേലത്തില്‍ പങ്കെടുക്കുന്ന വിദേശ താരങ്ങളുടെ കണക്ക് പുറത്ത്

Published : 13th January 2018 | Posted By: vishnu vis

ന്യൂഡല്‍ഹി: 2018 ഐപിഎല്‍ താരലേലത്തില്‍ പങ്കെടുക്കാന്‍ തയ്യാറെടുത്ത് 282 വിദേശ താരങ്ങള്‍. എട്ട് ഫ്രാഞ്ചൈസികള്‍ പങ്കെടുക്കുന്ന ഐപിഎല്‍ ക്രിക്കറ്റില്‍ മൊത്തം 1122 താരങ്ങളാണ് അവസരം കാത്ത് നില്‍ക്കുന്നത്. ഇതില്‍ ദേശീയ ടീമില്‍ കളിക്കുന്ന 281 താരങ്ങളാവും ഉണ്ടാവുക.ഇംഗ്ലണ്ട് ടെസ്റ്റ് ക്യാപ്റ്റന്‍ ജോ റൂട്ട്,വെടിക്കെട്ട് ഓള്‍റൗണ്ടര്‍ ബെന്‍ സ്‌റ്റോക്‌സ്, ആസ്‌ത്രേലിയന്‍ ഫാസ്റ്റ് ബൗളര്‍ മിച്ചല്‍ സ്റ്റാര്‍ക്ക്, ക്രിസ് ലിന്‍, ക്രിസ് ഗെയ്്ല്‍, ഹാഷിം അംല, ക്വിന്റന്‍ ഡീ കോക്ക്, ഗ്ലെന്‍ മാക്‌സ്‌വെല്‍, കീറോണ്‍ പൊള്ളാര്‍ഡ് എന്നിവരാവും പ്രധാനമായും ലേലത്തില്‍ തിളങ്ങുന്ന വിദേശ താരങ്ങള്‍. ഇന്ത്യന്‍ താരങ്ങളില്‍  കെ എല്‍ രാഹുല്‍, യുവരാജ് സിങ്, ഗൗതം ഗംഭീര്‍, അജിന്‍ക്യ രഹാനെ, ആര്‍ അശ്വിന്‍ എന്നിവരും താരലേലത്തില്‍ നേട്ടം കൊയ്യുമെന്നാണ് വിലയിരുത്തപ്പെടുന്നത്. ആസ്‌ത്രേലിയയില്‍ നിന്ന് 58 താരങ്ങളും ദക്ഷിണാഫ്രിക്കയില്‍ നിന്ന് 57 താരങ്ങളും ശ്രീലങ്ക, വെസ്റ്റ് ഇന്‍ഡീസ് എന്നിവടങ്ങളില്‍നിന്ന് 39 താരങ്ങളും അഫ്ഗാനിസ്താനില്‍ നിന്നും 13 താരങ്ങളുമാണ് താരലേലത്തില്‍ പങ്കെടുക്കാന്‍ അപേക്ഷ സമര്‍പ്പിച്ചിരിക്കുന്നത്. ഈ മാസം 27, 28 തീയ്യതികളിലായി ബംഗളൂരുവിലാണ് താരലേലം നടക്കുക. രണ്ട് വര്‍ഷത്തെ വിലക്കിന് ശേഷം ചെന്നൈ സൂപ്പര്‍ കിങ്‌സും രാജസ്ഥാന്‍ റോയല്‍സും ഈ സീസണില്‍ തിരിച്ചെത്തും. മുന്‍ ഇന്ത്യന്‍ നായകന്‍ എംഎസ് ധോണി, സുരേഷ് റെയ്‌ന, രവീന്ദ്ര ജഡേജ എന്നീ താരങ്ങളെയാണ് ചെന്നൈ നിലനിര്‍ത്തിയിരിക്കുന്നത്. നിലവിലെ ചാംപ്യന്‍മാരായ മുംബൈ ഇന്ത്യന്‍സ് രോഹിത് ശര്‍മ, ഹര്‍ദിക് പാണ്ഡ്യ, ജസ്പ്രീത് ബൂംറ എന്നീ താരങ്ങളയും നിലനിര്‍ത്തിയിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day