|    Nov 21 Wed, 2018 12:59 am
FLASH NEWS
Home   >  Todays Paper  >  page 9  >  

ഐന്‍സ്റ്റൈന്‍ വംശവെറി പ്രകടിപ്പിച്ചിരുന്നതായി വെളിപ്പെടുത്തല്‍

Published : 18th June 2018 | Posted By: kasim kzm

വാഷിങ്ടണ്‍: ശാസ്ത്രജ്ഞന്‍ ആല്‍ബര്‍ട്ട് ഐന്‍സ്റ്റൈന്റെ യാത്രാകുറിപ്പുകളില്‍ വംശീയത പ്രകടമായിരുന്നതായി വെളിപ്പെടുത്തല്‍. ആല്‍ബര്‍ട്ട് ഐന്‍സ്റ്റൈന്റെ ജര്‍മനിയില്‍ നിന്ന് ഇംഗ്ലീഷിലേക്ക് വിവര്‍ത്തനം ചെയ്ത പശ്ചിമേഷ്യന്‍ രാജ്യങ്ങളിലെ യാത്രാകുറിപ്പുകളിലാണ് വംശീയ പരാമര്‍ശങ്ങളുള്ളത്. അഞ്ചുമാസത്തെ ചൈന, സിംഗപ്പൂര്‍, ഹോങ്കോങ്, ജപ്പാന്‍, ഫലസ്തീന്‍, സ്‌പെയിന്‍ സന്ദര്‍ശനവേളയില്‍ എഴുതിയ യാത്രാകുറിപ്പിലാണ് ചൈനീസ് ജനതയെ ബുദ്ധിപരമായി പിന്നാക്കം നില്‍ക്കുന്ന ആളുകളെന്ന് വിവരിച്ചിട്ടുള്ളത്. ചൈനയിലേത് വിചിത്ര മനുഷ്യരാണെന്നും യന്ത്രപ്പാവകളെ പോലെ പ്രവര്‍ത്തിക്കുന്നവരാണെന്നും കുറിപ്പിലുണ്ട്. ചൈനീസ് ജനത ഭക്ഷണം കഴിക്കാന്‍ ബെഞ്ചുകളില്‍ ഇരിക്കാറില്ലെന്നും അവിടെ കുട്ടികള്‍ പോലും ഭീരുക്കളെ പോലെയും ബുദ്ധിയില്ലാത്തവരെ പോലെയുമാണെന്നും യാത്രാകുറിപ്പിലുണ്ട്. ശ്രീലങ്കയിലെ ജനങ്ങള്‍ മാലിന്യത്തിലും ദുര്‍ഗന്ധത്തിനു നടുവിലുമാണ് ജീവിക്കുന്നതെന്നു കുറിപ്പില്‍ ആരോപിക്കുന്നു. വിസ്മയിപ്പിക്കുന്നവരും ആകര്‍ഷകരുമാണ് ജപ്പാനിലെ ജനങ്ങളെന്ന് ഐന്‍സ്റ്റീന്‍ പറയുന്നു.ഐന്‍സ്റ്റീന്റെ യാത്രാകുറിപ്പുകളിലെ ഇത്തരം പരാമര്‍ശങ്ങള്‍ നിരാശപ്പെടുത്തിയതായി പ്രസാധകര്‍ അഭിപ്രായപ്പെട്ടു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss