|    Jan 24 Tue, 2017 6:37 am

ഐടിഐ വിദ്യാര്‍ഥിയുടെ മരണം: തൃണമൂല്‍ നേതാവ് അറസ്റ്റില്‍

Published : 14th May 2016 | Posted By: SMR

ഡയമണ്ട്ഹാര്‍ബര്‍: പശ്ചിമബംഗാളിലെ ദക്ഷിണ 24 പര്‍ഗാനാസ് ജില്ലയില്‍ ഐടിഐ വിദ്യാര്‍ഥിയെ കൊലപ്പെടുത്തിയ കേസില്‍ തൃണമൂല്‍ കോണ്‍ഗ്രസ് നേതാവ് തപസ് മാലിക്കിനെ പോലിസ് അറസ്റ്റ് ചെയ്തു. ഡയമണ്ട്ഹാര്‍ബറിലെ തൃണമൂല്‍ ഉപ പഞ്ചായത്ത് പ്രധാനാണ് ഇദ്ദേഹം. തിങ്കളാഴ്ച രാത്രിയാണ് 10 പേര്‍ ചേര്‍ന്ന് കൗശിക് പൂര്‍കായത്ത് എന്ന ഐടിഐ വിദ്യാര്‍ഥിയെ മര്‍ദ്ദിച്ചു കൊന്നത്. കേസില്‍ നാലുപേര്‍ നേരത്തെ പിടിയിലായിരുന്നു. കന്നുകാലി മോഷണത്തില്‍ പങ്കുണ്ടെന്ന സംശയത്താലാണു വിദ്യാര്‍ഥിയെ കൊലപ്പെടുത്തിയത് അമ്മായിയുടെ വീട്ടില്‍ വിരുന്നിനെത്തിയ കൗശിക് പുറത്തിറങ്ങി നടക്കവെ ചിലര്‍ ചോദ്യംചെയ്യുകയും ക്ലബ്ബില്‍ കൊണ്ടുപോയി മര്‍ദ്ദിക്കുകയുമായിരുന്നു. കൗശിക്കിനെ ബന്ധുക്കള്‍ രക്ഷപ്പെടുത്തി ആശുപത്രിയിലെത്തിച്ചു. എന്നാല്‍ രക്ഷിക്കാനായില്ല.

 

 

Share on FacebookShare on Google+Tweet about this on TwitterShare on LinkedIn
(Visited 40 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക