|    Dec 13 Thu, 2018 3:03 am
FLASH NEWS
Home   >  Todays Paper  >  Page 5  >  

ഐടിഐകളില്‍ കാംപസ് പ്ലേസ്‌മെന്റ് ശക്തിപ്പെടുത്തും : മന്ത്രി

Published : 31st May 2017 | Posted By: fsq

 

തിരുവനന്തപുരം: കേരളത്തിലെ ഐടിഐകളില്‍ കാംപസ് പ്ലേസ്‌മെന്റ് ശക്തിപ്പെടുത്താന്‍ നടപടി സ്വീകരിച്ചതായി തൊഴില്‍ മന്ത്രി ടി പി രാമകൃഷ്ണന്‍ പറഞ്ഞു. ആര്യനാട് ഐടിഐയില്‍ നിന്ന് കാംപസ് സെലക്ഷന്‍ ലഭിച്ച സുജിത്, അമല്‍ ഗോപന്‍, മഹേഷ്, മുഹമ്മദ്് ഷാന്‍ എന്നിവരെ അഭിനന്ദിക്കാന്‍ ചേംബറില്‍ ചേര്‍ന്ന യോഗത്തില്‍ സംസാരിക്കുകയായിരുന്നു മന്ത്രി. മികച്ച നിലവാരം പുലര്‍ത്തുന്ന സ്ഥാപനങ്ങള്‍ക്ക് അവാര്‍ഡ് നല്‍കും. ഐടിഐകളുടെ ന്യൂനതകള്‍ പരിഹരിച്ച് ശക്തിപ്പെടുത്തുകയാണ് ലക്ഷ്യം. കേരളത്തിലെ 10 ഐടിഐകളെ ഉന്നത നിലവാരത്തിലേക്ക് ഉയര്‍ത്താന്‍ തീരുമാനിച്ചിട്ടുണ്ട്. ഒമ്പത് പുതിയ ഐടിഐകള്‍ ആരംഭിക്കാനും നടപടി ആരംഭിച്ചു. വിദ്യാര്‍ഥികളുടെ പ്ലേസ്‌മെന്റ് രേഖകള്‍ മന്ത്രി കൈമാറി. സുഹാസ്, ശ്രീകുമാര്‍,  മാധവന്‍, സുരേഷ്ബാബു, ടി എന്‍ പ്രവീണ്‍ചന്ദ്, ആര്‍ ആര്‍ രാജേഷ് പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss