|    Jul 23 Sun, 2017 10:31 pm
FLASH NEWS
Home   >  Todays Paper  >  page 9  >  

ഐഎസ് റമാദിക്കു സമീപത്തെ സൈനിക താവളം ആക്രമിച്ചു

Published : 3rd January 2016 | Posted By: SMR

ബഗ്ദാദ്: റമാദിക്കു സമീപത്തെ സൈനികതാവളത്തിനു നേരെ ഐഎസ് ആക്രമണം. സര്‍ക്കാര്‍ സൈന്യം റമാദി തിരിച്ചുപിടിച്ച് ദിവസങ്ങള്‍ക്കകമാണ് ഐഎസിന്റെ ശക്തമായ തിരിച്ചടി. കാര്‍ബോംബും ബെല്‍റ്റ് ബോംബും ഉപയോഗിച്ചായിരുന്നു ആക്രമണമെന്നു സൈനികവക്താവ് അറിയിച്ചു. യുഎസ് നേതൃത്വത്തിലുള്ള സഖ്യസേനയുടെ പിന്തുണയോടെ ഇറാഖി സൈന്യം തിരിച്ചടിച്ചു. ഞായറാഴ്ചയാണ് ആഴ്ചകള്‍ നീണ്ട പോരാട്ടത്തിനൊടുവില്‍ റമാദിസര്‍ക്കാര്‍ സൈന്യം ഐഎസില്‍നിന്നു മോചിപ്പിച്ചത്. മെയിലാണ് ഐഎസ് മേഖലയുടെ പൂര്‍ണ നിയന്ത്രണം പിടിച്ചെടുത്തത്. റമാദി നഷ്ടപ്പെട്ടതിനു ശേഷം ഐഎസ് നടത്തുന്ന ഏറ്റവും വലിയ ആക്രമണമാണ് കഴിഞ്ഞ ദിവസത്തേത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക