|    Oct 21 Sun, 2018 5:49 pm
FLASH NEWS
Home   >  Kerala   >  

ഐഎസ് ബന്ധം: തലശ്ശേരിയില്‍ എത്തിച്ച് തെളിവെടുത്തു

Published : 22nd March 2018 | Posted By: sruthi srt

തലശ്ശേരി: ഐഎസ് ബന്ധത്തിന്റെ പേരില്‍ എന്‍ഐഎ അറസ്റ്റ് ചെയ്ത മൂന്നുപേരെ തലശ്ശേരിയിലും മുണ്ടേരിമൊട്ടയിലുമെത്തിച്ച് തെളിവെടുപ്പ് നടത്തി. തലശ്ശേരി സ്വദേശി ബിരിയാണി ഹംസ, മുണ്ടേരിമൊട്ട സ്വദേശികളായ റാഷിദ്, മിദ്‌ലാജ് എന്നിവരെയാണ് എന്‍ഐഎ ഡിവൈഎസ്പിമാരായ വിക്രം, അബ്്ദുല്‍ഖാദര്‍ എന്നിവരുടെ നേതൃത്വത്തില്‍ തെളിവെടുപ്പ് നടത്തിയത്. തലശ്ശേരി എവികെ നായര്‍ റോഡിലുള്ള സൈബര്‍ കഫേയിലാണ് പ്രധാനമായും തെളിവെടുപ്പ് നടത്തിയത്.

കഫേയിലൂടെ ഇവര്‍ പലരുമായി ബന്ധപ്പെട്ടതായി സംശയമുണ്ടെന്നാണു എന്‍ഐഎ നിലപാട്. ഇതുസംബന്ധിച്ച ചില രേഖകള്‍ അന്വേഷണ സംഘത്തിന് ലഭിച്ചതായാണു വിവരം. രണ്ടുപേരുടെയും നാ ടായ മുണ്ടേരിമൊട്ടയിലും പ്രതികളെ എത്തിച്ച് തെളിവെടുപ്പ് നടത്തി. കഴിഞ്ഞദിവസം പുലര്‍ച്ചെ മുതല്‍ നടന്ന തെളിവെടുപ്പ് വൈകീട്ടോടെയാണ് പൂര്‍ത്തിയായത്. കണ്ണൂര്‍ ഡിവൈഎസ്പി പി പി സദാനന്ദന്റെ നേതൃത്വത്തില്‍ അറസ്റ്റിലായ  പ്രതികള്‍ കൊച്ചി കാക്കനാട് ജയിലില്‍ റിമാന്‍ഡിലാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss