|    Jan 24 Tue, 2017 6:28 am

ഐഎസ് ആക്രമണം: സിറിയയില്‍ 120ഓളം പേര്‍ കൊല്ലപ്പെട്ടു

Published : 24th May 2016 | Posted By: SMR

ദമസ്‌കസ്: സിറിയയില്‍ പ്രസിഡന്റ് ബശ്ശാറുല്‍ അസദ് സര്‍ക്കാര്‍ സൈന്യത്തിന്റെ ശക്തികേന്ദ്രത്തില്‍ ഐഎസ് നടത്തിയ ബോംബാക്രമണത്തില്‍ നൂറിലധികം പേര്‍ കൊല്ലപ്പെട്ടു.
നിരീക്ഷക സംഘടനയായ സിറിയന്‍ ഒബ്‌സര്‍വേറ്ററി ഫോര്‍ ഹ്യൂമന്‍ റൈറ്റ്‌സ് ആണ് റിപോര്‍ട്ട് പുറത്തുവിട്ടത്. ലതാകിയ പ്രവിശ്യയിലെ താര്‍തൂസ്, ജബ്‌ലെഹ് എന്നീ നഗരങ്ങളിലെ ആശുപത്രികളിലും ബസ്‌സ്റ്റേഷനുകളിലുമാണ് ആക്രമണങ്ങളുണ്ടായത്. ബോംബുധാരികള്‍ നടത്തിയ ആക്രമണങ്ങള്‍ക്കു പുറമെ കാര്‍ബോംബ് സ്‌ഫോടനങ്ങളുമുണ്ടായി. ജബ്‌ലെഹില്‍ 73 പേരും താര്‍തൂസില്‍ 48 പേരും കൊല്ലപ്പെട്ടതായി നിരീക്ഷകസംഘടന റിപോര്‍ട്ട് ചെയ്തു.
താര്‍തൂസില്‍ മൂന്നു തവണയും ജബ്‌ലെഹില്‍ നാലു തവണയും സ്‌ഫോടനമുണ്ടായി. ലതാകിയ പ്രവിശ്യയില്‍ ആദ്യമായാണ് ഇത്രയും ശക്തമായ സ്‌ഫോടനമുണ്ടാവുന്നത്. 50 ഓളം പേര്‍ക്ക് പരിക്കേറ്റിട്ടുണ്ട്.

Share on FacebookShare on Google+Tweet about this on TwitterShare on LinkedIn
(Visited 25 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക