|    Sep 21 Thu, 2017 1:42 am
Home   >  Todays Paper  >  page 11  >  

ഐഎസ്എല്‍: കൊല്‍ക്കത്തയെ പൂനെ സിറ്റി ഞെട്ടിച്ചു

Published : 7th November 2016 | Posted By: SMR

പൂനെ: ഐഎസ്എല്ലില്‍ ഇന്നലെ നടന്ന മല്‍സരത്തില്‍ മുന്‍ ചാംപ്യന്‍മാരായ അത്‌ലറ്റികോ ഡി കൊല്‍ക്കത്തയ്ക്ക് ഞെട്ടിക്കുന്ന തോല്‍വി. പോയിന്റ് പട്ടികയില്‍ അവസാനസ്ഥാനത്തുള്ള പൂനെ സിറ്റിയാണ് സ്വന്തം മൈതാനത്ത് കൊല്‍ക്കത്തയെ അട്ടിമറിച്ചത്. 2-1നായിരുന്നു പൂനെയുടെ വിജയം.
എഡ്വാര്‍ഡോ ഫെരേരയും (41ാം മിനിറ്റ്) അനിബാല്‍ സര്‍ഡോയുമാണ് (56) പൂനെയുടെ സ്‌കോറര്‍മാര്‍. കോര്‍ണറില്‍ നിന്നു ലഭിച്ച ഹെഡ്ഡറിലൂടെയാണ് ഫെരേര ടീമിന്റെ അക്കൗണ്ട് തുറന്നത്.
ബോക്‌സിനുള്ളില്‍വച്ച് കൊല്‍ക്കത്ത താരം കോട്ടല്‍ കൈകൊണ്ട് തൊട്ടതിനെത്തുടര്‍ന്നു ലഭിച്ച പെനല്‍റ്റിയില്‍ നിന്നായിരുന്നു രണ്ടാം ഗോള്‍.
69ാം മിനിറ്റില്‍ ഇയാന്‍ ഹ്യൂം പെനല്‍റ്റിയിലൂടെ കൊല്‍ക്കത്തയുടെ ഗോള്‍ മടക്കുകയായിരുന്നു. ഈ ജയത്തോടെ എഫ്‌സി ഗോവയെ അവസാനസ്ഥാനത്തേക്ക് പിന്തള്ളി പൂനെ ഏഴാംസ്ഥാനത്തേക്കു കയറി.
ഇന്നു മല്‍സരമില്ല. നാളെ കൊച്ചിയില്‍ നടക്കുന്ന കളിയി ല്‍ കേരള ബ്ലാസ്‌റ്റേഴ്‌സ് എഫ്‌സി ഗോവയുമായി ഏറ്റുമുട്ടും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക