|    Oct 16 Tue, 2018 11:04 am
FLASH NEWS

ഏഴു മാസം പ്രായമുള്ള കുഞ്ഞുള്‍പ്പെടെ കുടുംബത്തിലെ നാലുപേര്‍ വിഷം കഴിച്ച നിലയില്‍

Published : 7th October 2018 | Posted By: kasim kzm

ആലത്തൂര്‍: ഏഴു മാസം പ്രായമുള്ള കുഞ്ഞുള്‍പ്പെടെ കുടുംബത്തിലെ നാലുപേരെ വിഷം കഴിച്ച് ആശുപത്രിയില്‍ പ്രവേശിപ്പിച്ചു. കുനിശ്ശേരി കൂട്ടാല ആലയംകുളമ്പ് കൃഷ്ണമൂര്‍ത്തിയുടെ മകന്‍ ഗിരീഷ് (26), ഭാര്യ വയനാട് മീനങ്ങാടി സ്വദേശിയായ സന്ധ്യ (19), മകന്‍ ശ്രീഹരി (ഏഴു മാസം), സന്ധ്യയുടെ സഹോദരി സൂര്യ (18) എന്നിവരെയാണ് എലിവിഷം കഴിച്ച നിലയില്‍ ആശുപത്രിയില്‍ പ്രവേശിപ്പിച്ചത്.
നാലു വര്‍ഷംമുമ്പ് ഗിരീഷ് നാടുവിട്ടുപോയി വയനാടെത്തി വിവാഹം കഴിച്ചു കഴിയുകയായിരുന്നു. കഴിഞ്ഞ ദിവസം സുഹൃത്തിന്റെ ബൈക്കില്‍ നാലുപേരും കൂടി കുനിശ്ശേരി വീട്ടിലെത്തി. ബൈക്ക് മോഷണത്തിന് വയനാട് കേളിച്ചിറ സ്റ്റേഷനില്‍ ഗിരീഷിനെതിരേ പരാതിയുണ്ടെന്ന് പോലിസ് പറഞ്ഞു. നാലുപേരെയും ആദ്യം പാലക്കാട് ജില്ലാ ആശുപത്രിയിലും പിന്നീട് തൃശൂര്‍ മെഡിക്കല്‍ കോളജാശുപത്രിയിലും പ്രവേശിപ്പിച്ചു. കുട്ടിയൊഴികെ ബാക്കി മൂന്നുപേരും അപകടനില തരണം ചെയ്തു. കുട്ടി ഐസിയുവിലാണ്.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss