|    Mar 23 Thu, 2017 5:55 pm
FLASH NEWS

ഏറാമലയിലും സി.പി.എം. പ്രവര്‍ത്തകര്‍ ആര്‍.എം.പിയിലേക്ക്

Published : 13th October 2015 | Posted By: RKN

വാണിമേല്‍:  തിരഞ്ഞെടുപ്പ് അടുത്തതോടെ സി.പി.എമ്മില്‍ നിന്ന് ആര്‍.എം.പിയിലേക്കുള്ള പ്രവര്‍ത്തകരുടെ ഒഴുക്ക് തുടരുന്നു. ഇന്നലെ നടന്ന ആര്‍.എം.പി. ഏറാമല പഞ്ചായത്ത് കണ്‍വന്‍ഷനിലാണ് സി.പി.എം. കുന്നുമ്മക്കര ലോക്കല്‍ കമ്മിറ്റിയംഗവും സി.ഐ.ടി.യു. ജില്ലാ കമ്മിറ്റി മെംബറുമായ കണ്ണോത്ത് രാജനും മുയിപ്രയിലെ സി.പി.എം. പ്രവര്‍ത്തകനായ കളരിക്കണ്ടി അനൂപും പാര്‍ട്ടി വിട്ട് ആര്‍.എം.പിയില്‍ ചേര്‍ന്നത്.

കൂടാതെ കുറിഞ്ഞാലിയോടുള്ള സി.പി.ഐ. പ്രവര്‍ത്തകരായ ഷിജിന്‍, സജീവന്‍ എന്നിവരും ആര്‍.എം.പിയില്‍ ചേര്‍ന്നു. കഴിഞ്ഞ ദിവസം ഒഞ്ചിയത്തെ സി.പി.എം വാര്‍ഡ് മെംബറും ജനാധിപത്യ മഹിളാ അസോസിയേഷന്‍ അംഗവും പാര്‍ട്ടി വിട്ടിരുന്നു.ആര്‍.എം.പി. കണ്‍വന്‍ഷന്‍ കെ എസ് ഹരിഹരന്‍ ഉദ്ഘാടനം ചെയ്തു. എടക്കുടി രാധാകൃഷ്ണന്‍ അധ്യക്ഷനായി. എന്‍ വേണു എന്നിവര്‍ സംസാരിച്ചു. പാര്‍ട്ടിയിലേക്ക് വന്നവരെ മുതിര്‍ന്ന നേതാക്കളായ എം ആര്‍ കുഞ്ഞികൃഷ്ണന്‍ കുഞ്ഞനന്തന്‍ എന്നിവര്‍ മാലയിട്ട് സ്വീകരിച്ചു. ഏറാമല പഞ്ചായത്തിലെ 19 വാര്‍ഡിലും ആര്‍.എം.പി. സ്ഥാനാര്‍ഥികള്‍ മല്‍സരിക്കും.

(Visited 64 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക