|    Mar 28 Tue, 2017 2:10 am
FLASH NEWS

എസ്ഡിപിഐ -സമാജ് വാദി പാര്‍ട്ടി സഖ്യ സ്ഥാനാര്‍ഥികള്‍ പത്രിക സമര്‍പ്പിച്ചു

Published : 27th April 2016 | Posted By: SMR

മലപ്പുറം: 15 നിയോജക മണ്ഡലങ്ങളിലേക്ക് എസ്ഡിപിഐ-സമാജ്‌വാദി പാര്‍ട്ടി സഖ്യ സ്ഥാനാര്‍ഥികള്‍ പത്രിക സമര്‍പ്പിച്ചു. ഇന്നലെ ഉച്ചക്ക് രണ്ട് മണിക്ക് എസ്ഡിപിഐ മലപ്പുറം ജില്ലാ ഓഫിസില്‍ നിന്നു പ്രവര്‍ത്തകരുടെ അകമ്പടിയോടെ പ്രകടനമായെത്തിയാണ് മലപ്പുറം സിവില്‍ സ്റ്റേഷനിലെ വിവിധ വരണാധികാരികള്‍ മുമ്പാകെ സ്ഥാനാര്‍ഥികള്‍ പത്രിക നല്‍കിയത്.
ജില്ലാ നേതാക്കളും നൂറുകണക്കിന് പ്രവര്‍ത്തകരും സ്ഥാനാഥികളെ അനുഗമിച്ചു. മലപ്പുറം മണ്ഡലത്തില്‍ മല്‍സരിക്കുന്ന എസ്ഡിപിഐ സംസ്ഥാന ഖജാഞ്ചി ജലീല്‍ നീലാമ്പ്ര മലപ്പുറം ലേബര്‍ ഓഫിസര്‍ മുമ്പാകെയും, കൊണ്ടോട്ടി മണ്ഡലത്തില്‍ മത്സരിക്കുന്ന ജില്ലാ പ്രസിഡന്റ് നാസറുദ്ധീന്‍ എളമരം അസിസ്റ്റന്റ് ഡെവലപ്‌മെന്റ് കമ്മീഷ്ണര്‍ (ജനറല്‍) മുന്‍പാകെയും, ഏറനാട് മണ്ഡലത്തില്‍ നിന്നും ജനവിധി തേടുന്ന സമാജ് വാദി പാര്‍ട്ടി സംസ്ഥാന സെക്രട്ടറി അഡ്വ. ഉമ്മര്‍ ചേലക്കോട് മലപ്പുറം ജില്ലാ സപ്ലൈ ഓഫിസര്‍ മുന്‍പാകെയും നാമ നിര്‍ദ്ദേശ പത്രികകള്‍ സമര്‍പ്പിച്ചു.
കെപിഒ റഹ്മത്തുല്ല (കോട്ടക്കല്‍) കല്ലര്‍ അബൂബക്കര്‍ (വേങ്ങര), അഡ്വ. അബ്ദുല്‍ റഹീം (മങ്കട) സിഎച്ച് അഷ്‌റഫ് (മഞ്ചേരി), അഡ്വ. കെ സി നസീര്‍ (തിരൂരങ്ങാടി) കെ കെ മജീദ് ഖാസിമി (താനൂര്‍), ഹനീഫ ഹാജി (വള്ളിക്കുന്ന്), അബ്ദുല്‍ ജലീല്‍ (തവനൂര്‍) പുത്തു തോട്ടത്തില്‍ ഇബ്രാഹിം (തിരൂര്‍) ഫത്താഹ് മാസ്റ്റര്‍ (പെന്നാനി) കൃഷ്ണന്‍ എരഞ്ഞിക്കല്‍ (വണ്ടൂര്‍) കെ ബാബു മണി (നിലമ്പൂര്‍) എന്നിവരം പത്രിക സമര്‍പ്പിച്ചു. എസ്ഡിപിഐ മലപ്പുറം ജില്ലാ ജനറല്‍ സെക്രട്ടറി പി ദാവൂദ്, ജില്ലാ വൈസ് പ്രസിഡന്റ് വിടി ഇഖ്‌റാമുല്‍ ഹഖ്, അഡ്വ.സാദിഖ് നടുത്തൊടി, ജില്ലാ സെക്രട്ടറി ഷൗക്കത്ത് കരുവാരക്കുണ്ട്, എംപി മുസ്തഫ മാസ്റ്റര്‍, ഖജാഞ്ചി സൈതലവി ഹാജി സ്ഥാനാര്‍ഥികളെ അനുഗമിച്ചു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day