|    Oct 17 Tue, 2017 7:02 pm
FLASH NEWS

എസ്ഡിപിഐ പ്രവര്‍ത്തകന്റെ സ്‌കൂട്ടര്‍ കത്തിച്ചു; വീടിനു കല്ലേറ്

Published : 7th March 2016 | Posted By: SMR

അഴീക്കോട്: ഉച്ചായിച്ചാലില്‍ എസ്ഡിപിഐ പ്രവര്‍ത്തകന്റെ സ്‌കൂട്ടര്‍ കത്തിക്കുകയും വീടിനു കല്ലെറിയുകയും ചെയ്തു. എസ്എം ഹൗസില്‍ റിഷാലിന്റെ കെഎല്‍13എബി4118 സ്‌കൂട്ടറാണ് ഇന്നലെ പുലര്‍ച്ചെ 3.30ഓടെ ബൈക്കിലെത്തിയ സംഘം തീയിട്ടുനശിപ്പിച്ചത്.
ദിവസങ്ങള്‍ക്കു മുമ്പ് റിഷാലിന്റെ വീട്ടിലേക്കു പോവുന്ന വഴിയില്‍ ഡിവൈഎഫ്‌ഐയുടെ പേരില്‍ ഭീഷണിപ്പെടുത്തി ചുവരെഴുതിയിരുന്നു. ഞങ്ങളെ കൊണ്ട് ആയുധം എടുപ്പിക്കരുത്, എടുത്താല്‍ അവസാനിപ്പിച്ചിട്ടേ തിരിച്ചെടൂക്കൂ എന്നുമാണ് എഴുതിവച്ചിരുന്നത്. പോലിസെത്തിയാണ് ഇതു മായ്ച്ചുകളഞ്ഞത്.
ഇന്നലെ പുലര്‍ച്ചെ ബഹളം കേട്ട് വീട്ടുകാര്‍ പുറത്തിറങ്ങിയപ്പോഴേക്കും അക്രമികള്‍ ഓടിരക്ഷപ്പെട്ടു. സ്‌കൂട്ടറിനു തീയിട്ട ശേഷം വീടിന്റെ ജനല്‍ച്ചില്ല് എറിഞ്ഞുതകര്‍ക്കുകയായിരുന്നു. അക്രമത്തിനു പിന്നില്‍ സിപിഎം പ്രവര്‍ത്തകരാണെന്നു എസ്ഡിപിഐ ആരോപിച്ചു. വളപട്ടണം പോലിസില്‍ പരാതി നല്‍കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക