|    Sep 19 Wed, 2018 6:48 am
FLASH NEWS

എസ്ഡിപിഐ പ്രവര്‍ത്തകനു നേരെ ബോംബേറ്: മൂന്നു സിപിഎമ്മുകാര്‍ അറസ്റ്റില്‍

Published : 24th May 2018 | Posted By: kasim kzm

എടക്കാട്: മുഴപ്പിലങ്ങാട് പിലാച്ചേരിയില്‍ എസ്ഡിപിഐ പ്രവര്‍ത്തകനു നേരെ ബോംബെറിഞ്ഞ സംഭവത്തില്‍ മൂന്നു സിപിഎം പ്രവര്‍ത്തകര്‍ അറസ്റ്റില്‍. എസ്ഡിപിഐ മുഴപ്പിലങ്ങാട് പഞ്ചായത്ത് കമ്മിറ്റി വൈസ് പ്രസിഡന്റ് അര്‍ഷാദ് മഠത്തിനെ ബോംബെറിഞ്ഞു വധിക്കാന്‍ ശ്രമിച്ച സംഭവത്തിലാണ് സിപിഎം പ്രവര്‍ത്തകരും മുഴപ്പിലങ്ങാട് സ്വദേശികളുമായ ക്ലിനാംകണ്ടി ഹൗസില്‍ ശങ്കരന്‍(32), ശ്രുതിലയത്തില്‍ എം ഷിജില്‍ എന്ന കരി ഷിജില്‍(25), മാധവത്തില്‍ കെ വി സുമേഷ്(30) എന്നിവരെയാണ് അറസ്റ്റ് ചെയ്തത്.
തലശ്ശേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ ഇവരെ റിമാന്‍ഡ് ചെയ്ത് തലശ്ശേരി സബ് ജയലിലേക്കയച്ചു. ഇക്കഴിഞ്ഞ 17നു രാവിലെയാണ് ആക്രമണം നടന്നത്. അര്‍ഷാദ് ജോലിചെയ്യുന്ന സ്ഥലത്തെത്തിയ സംഘം ഇരുമ്പുപൈപ്പ് കൊണ്ട് തലക്കടിച്ചപ്പോള്‍ കുതറിമാറാന്‍ ശ്രമിക്കുന്നതിനിടെ ബോംബെറിയുകയുമായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss