|    Apr 27 Fri, 2018 12:54 pm
FLASH NEWS

എസ്ഡിപിഐ-എസ്പി സ്ഥാനാര്‍ഥി ഹമീദ് മാസ്റ്റര്‍ പത്രിക സമര്‍പ്പിച്ചു

Published : 27th April 2016 | Posted By: SMR

വടകര: വടകര നിയോജക മണ്ഡലം എസ്ഡിപിഐ-എസ്പി സഖ്യം സ്ഥാനാര്‍ഥി പി അബ്ുല്‍ ഹമീദ് മാസ്റ്റര്‍ നാമനിര്‍ദ്ദേശ പത്രിക സമര്‍പ്പിച്ചു. ഇന്നലെ രാവിലെ 12മണിയോടെ വടകര അസിസ്റ്റന്റ് വരണാധികാരി ഓഫിസര്‍ സുരേഷ് മുമ്പാകെയാണ് അദ്ദേഹം പത്രിക സമര്‍പ്പിച്ചത്. ചടങ്ങില്‍ തിരഞ്ഞെടുപ്പ് കമ്മിറ്റി ചെയര്‍മാന്‍ സി എ ഹാരിസ്, ജനറല്‍ കണ്‍വീനര്‍ കെ പി ഷമീര്‍, മറ്റു ഭാരവാഹികളായ അസീസ് വെള്ളോളി, റസാഖ് മാക്കൂല്‍, കെ വി പി ഷാജഹാന്‍, ഷംസീര്‍ ചോമ്പാല, ഹംസ ഹാജി, സാലിം അഴിയൂര്‍ എന്നിവരും സംബന്ധിച്ചു. അഴിയൂരില്‍ നിന്ന് പഞ്ചായത്ത് തല നേതാക്കളും പ്രവര്‍ത്തകരും പ്രകടനമായെത്തിയാണ് അദ്ദേഹം പത്രിക സമര്‍പ്പിച്ചത്. പത്രികയില്‍ അദ്ദഹേത്തിന്റെ സ്വത്തു വിവരങ്ങളും സമര്‍പ്പിച്ചിട്ടുണ്ട്. അദ്ദേഹത്തിന്റെ കയ്യിലായി 5000 രൂപയും ഭാര്യയുടെ കയ്യില്‍ 6000 രൂപയുമാണുള്ളത്. 5,75,000 രൂപ വിലമതിക്കുന്ന സ്വിഫ്റ്റ് കാര്‍, 2,18,454 രൂപ ബാങ്ക് ഡെപ്പോസിറ്റായി തന്റെ പേരിലും ഭാര്യയുടെ പേരില്‍ 20,1133 രൂപയുള്ളതായും പത്രികയില്‍ പറയുന്നു.
കൂടാതെ 3,50,000 രൂപ വിലമതിക്കുന്ന കാര്‍ഷികേതര ഭൂമി തന്റെ പേരിലും ഭാര്യയുടെ പേരില്‍ 14,77,000 വല മതിക്കുന്ന ഭൂമിയുമുണ്ട്. തന്റെ പേരില്‍ 12,33,000 വിലമതിക്കുന്ന വാണിജ്യാവശ്യമുള്ള കെട്ടിടം, 7,50,000 വലവരുന്ന പാര്‍പ്പിടാവശ്യ കെട്ടിടവുതനിക്കുണ്ട്. 19,00,00 രൂപയുടെ സ്വര്‍ണം തന്റെ ഭാര്യയുടെ പേരിലുള്ളതായും അദ്ദേഹം നാമനിര്‍ദ്ദേശ പത്രികയില്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss