|    Sep 19 Wed, 2018 4:35 pm
FLASH NEWS
Home   >  Todays Paper  >  Page 5  >  

എസ്ഡിപിഐ ആറരക്കോടി രൂപയുടെ ദുരിതാശ്വാസ പ്രവര്‍ത്തനങ്ങള്‍ നടത്തി

Published : 30th August 2018 | Posted By: kasim kzm

തൃശൂര്‍: പ്രളയ ദുരിതാശ്വാസ സേവന മേഖലയില്‍ എസ്ഡിപിഐ ബുധനാഴ്ച വരെ 6,49,53,846 രൂപയുടെ വിഭവവിതരണം നടത്തിയതായി സംസ്ഥാന കമ്മിറ്റി അറിയിച്ചു. ആയിരക്കണക്കിനാളുകളുടെ ജീവന്‍ രക്ഷിക്കാന്‍ സാധിച്ചു. നിരവധി മൃഗങ്ങളെയും സംരക്ഷിച്ചു.
സംസ്ഥാനവ്യാപകമായി പതിനായിരത്തിലധികം പ്രവര്‍ത്തകര്‍ റെസ്‌ക്യൂ, റിലീഫ് പ്രവര്‍ത്തനങ്ങളില്‍ പങ്കാളിയായി. സ്തുത്യര്‍ഹ സേവനങ്ങള്‍ നടത്തിയ ആര്‍ജി ടീം അംഗങ്ങളെ സംസ്ഥാന കമ്മിറ്റി അനുമോദിച്ചു. തൃശൂരില്‍ നടന്ന യോഗത്തില്‍ പ്രസിഡന്റ് പി അബ്ദുല്‍ മജീദ് ഫൈസി അധ്യക്ഷത വഹിച്ചു.
ദേശീയ വൈസ് പ്രസിഡന്റ് ദഹ്‌ലാന്‍ ബാഖവി (തമിഴ്‌നാട്) ഉദ്ഘാടനം ചെയ്തു. വിവിധ ജില്ലകളെ പ്രതിനിധീകരിച്ച് എന്‍ യു സലാം (കാസര്‍കോട്), പി ബഷീര്‍ (കണ്ണൂര്‍), എന്‍ ഹംസ (വയനാട്), മുസ്തഫ പാലേരി (കോഴിക്കോട്), അഡ്വ. സാദിഖ് നടുത്തൊടി (മലപ്പുറം), എസ് അമീറലി (പാലക്കാട്), ഇ എം ലത്തീഫ് (തൃശൂര്‍), വി എം ഷൗക്കത്തലി (എറണാകുളം), കെ എച്ച് ഹസീബ് (കോട്ടയം), കെ മജീദ് (ഇടുക്കി), വി എം ഫഹദ് (ആലപ്പുഴ), അന്‍സാരി ഏനാത്ത് (പത്തനംതിട്ട), എ കെ സലാഹുദ്ദീന്‍ (കൊല്ലം), സിയാദ് കണ്ടല (തിരുവനന്തപുരം) ചര്‍ച്ചയില്‍ പങ്കെടുത്തു ദുരിതാശ്വാസപ്രവര്‍ത്തനങ്ങള്‍ വിശദീകരിച്ചു.
സംസ്ഥാന ഭാരവാഹികളായ എം കെ മനോജ്കുമാര്‍, റോയ് അറയ്ക്കല്‍, പി അബ്ദുല്‍ ഹമീദ് മാസ്റ്റര്‍, തുളസീധരന്‍ പള്ളിക്കല്‍, സംസ്ഥാന കമ്മിറ്റിയംഗങ്ങളായ ജലീല്‍ നീലാമ്പ്ര, പി ആര്‍ കൃഷ്ണന്‍കുട്ടി, കൃഷ്ണന്‍ എരഞ്ഞിക്കല്‍ ചര്‍ച്ചയ്ക്ക് നേതൃത്വം നല്‍കി.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss