|    Nov 21 Tue, 2017 5:45 pm
FLASH NEWS
Home   >  Todays Paper  >  page 7  >  

എസ്ടിയു പാര്‍ലമെന്റ് മാര്‍ച്ച് ഇന്ന്‌

Published : 7th November 2017 | Posted By: fsq

 

ന്യൂഡല്‍ഹി: കേന്ദ്ര സര്‍ക്കാരിന്റെ തൊഴിലാളി വിരുദ്ധ-വര്‍ഗീയ നയങ്ങള്‍ക്കെതിരേ സ്വതന്ത്ര തൊഴിലാളി യൂനിയന്‍ (എസ്ടിയു) പാര്‍ലമന്റ് മാര്‍ച്ച് ഇന്ന്. തൊഴിലവകാശങ്ങള്‍ സംരക്ഷിക്കുക വര്‍ഗീയത തടയുക ഏന്നീ ആവശ്യങ്ങളുന്നയിച്ചാണ് എസ്ടിയു മാര്‍ച്ച് നടത്തുന്നത്. സംഘപരിവാര സര്‍ക്കാരിന്റെ തൊഴിലാളി വിരുദ്ധവും വര്‍ഗീയ ധ്രുവീകരണം സൃഷ്ടിക്കുന്നതുമായ നയങ്ങള്‍ക്കെതിരേ രാജ്യത്ത് ജനകീയ പ്രതിഷേധങ്ങള്‍ ശക്തമാവണമെന്ന് മുസ്‌ലിം ലീഗ് ദേശീയ ഓര്‍ഗനൈസിങ് സെക്രട്ടറി ഇ ടി മുഹമ്മദ് ബഷീര്‍ എംപി പറഞ്ഞു. പാര്‍ലമന്റ് മാര്‍ച്ച് കേന്ദ്ര സര്‍ക്കാരിന്റെ ജനവിരുദ്ധ നയങ്ങള്‍ക്കെതിരേയുള്ള ശക്തമായ താക്കീതായിരിക്കുമെന്നും അദ്ദേഹം പറഞ്ഞു. പാര്‍ലമെന്റ് മാര്‍ച്ചിനു മുന്നോടിയായി കേരള ഹൗസില്‍ വിളിച്ചു ചേര്‍ത്ത പത്രസമ്മേളനത്തില്‍ സംസാരിക്കുകയായിരുന്നു അദ്ദേഹം. വാര്‍ത്താ സമ്മേളനത്തില്‍ എസ്ടിയു ദേശീയ പ്രസിഡന്റ് സയ്യിദ് അംജദ് അലി (ജാര്‍ഖണ്ഡ്) ജനറല്‍ സെക്രട്ടറി അഡ്വ. എം റഹ്മത്തുല്ല (കേരളം) എന്നിവര്‍ പങ്കെടുത്തു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക