|    Sep 21 Fri, 2018 4:44 am
FLASH NEWS
Home   >  Todays Paper  >  Page 4  >  

എസ്എസ്എഫ് സംസ്ഥാന സാഹിത്യോല്‍സവ്: മലപ്പുറം ഈസ്റ്റ് ജില്ലയ്ക്ക് കിരീടം

Published : 10th September 2018 | Posted By: kasim kzm

ചെമ്മാട്: 25ാമത് എസ്എസ്എഫ് സംസ്ഥാന സാഹിത്യോല്‍ സവില്‍ 542 പോയിന്റുമായി മലപ്പുറം ഈസ്റ്റ് ജില്ലാ ടീമിന് തുടര്‍ച്ചയായി മൂന്നാംതവണയും കിരീടം. 496 പോയിന്റുമായി മലപ്പുറം വെസ്റ്റ് രണ്ടാംസ്ഥാനവും 484 പോയിന്റ് നേടിയ കോഴിക്കോട് മൂന്നാംസ്ഥാനവും നേടി. ഒന്നാം സ്ഥാനക്കാര്‍ക്ക് അഖിലേന്ത്യാ സുന്നി ജംഇയ്യത്തുല്‍ ഉലമാ ജനറല്‍ സെക്രട്ടറി കാന്തപുരം എ പി അബൂബക്കര്‍ മുസ്‌ല്യാര്‍ ട്രോഫി സമ്മാനിച്ചു. രണ്ടാം സ്ഥാനം നേടിയ മലപ്പുറം വെസ്റ്റിന് കേരള മുസ്‌ലിം ജമാഅത്ത് സംസ്ഥാന ജനറല്‍ സെക്രട്ടറി സയ്യിദ് ഇബ്രാഹീം ഖലീലുല്‍ ബുഖാരിയും മൂന്നാം സ്ഥാനക്കാരായ കോഴിക്കോടിന് എസ്‌വൈഎസ് സംസ്ഥാന ജനറല്‍ സെക്രട്ടറി മജീദ് കക്കാടും ട്രോഫി നല്‍കി. കാംപസ് വിഭാഗം മല്‍സരത്തില്‍ പത്തനംതിട്ട ജില്ലയിലെ എസ്എഎസ് കോളജ് കോന്നി ഒന്നാം സ്ഥാനം നേടി. സാഹിത്യോല്‍സവ് കലാപ്രതിഭയായി 30 പോയിന്റ് നേടിയ തൃശൂര്‍ ജില്ലയിലെ ഇ എസ് അശ്കറും സര്‍ഗപ്രതിഭയായി 17 പോയിന്റ് നേടിയ കൊല്ലം ജില്ലയിലെ ബി മുഹമ്മദും തിരഞ്ഞെടുക്കപ്പെ ട്ടു. അടുത്ത വര്‍ഷത്തെ സാഹിത്യോല്‍സവിന് ആതിഥേയത്വം വഹിക്കുന്ന തൃശൂര്‍ ജില്ലയ്ക്ക് സ്വാഗതസംഘം ചെയര്‍മാന്‍ എം എന്‍ കുഞ്ഞഹമ്മദ് ഹാജി പതാക കൈമാറി. സംഘടനയ്ക്കു കീഴില്‍ പുതുതായി ആരംഭിക്കുന്ന ഓണ്‍ലൈന്‍ ഇസ്‌ലാമിക് കോഴ്‌സിന്റെ ലോഞ്ചിങ്, ചടങ്ങില്‍ സയ്യിദ് ഇബ്രാഹീം ഖലീലുല്‍ ബുഖാരി നിര്‍വഹിച്ചു. സമാപന സമ്മേളനം കാന്തപുരം എ പി അബൂബക്കര്‍ മുസ് ല്യാര്‍ ഉദ്ഘാടനം ചെയ്തു. സമസ്ത പ്രസിഡന്റ് ഇ സുലൈമാന്‍ മുസ്‌ല്യാര്‍ പ്രാര്‍ഥന നിര്‍വഹിച്ചു. എസ്എസ്എഫ് സംസ്ഥാന പ്രസിഡന്റ് ഡോ. മുഹമ്മദ് ഫാറൂഖ് നഈമി അധ്യക്ഷത വഹിച്ചു. ഹജ്ജ് കമ്മിറ്റി ചെയര്‍മാന്‍ സി മുഹമ്മദ് ഫൈസി, മഞ്ഞപ്പറ്റ ഹംസ മുസ്‌ല്യാ ര്‍, പി കെ എസ് തങ്ങള്‍ തലപ്പാറ, വണ്ടൂര്‍ അബ്ദുര്‍റഹ്മാന്‍ ഫൈസി സംസാരിച്ചു.

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss