|    Aug 20 Mon, 2018 1:58 pm
FLASH NEWS
Home   >  Todays Paper  >  Page 5  >  

എസ്എഫ്‌ഐ പ്രവര്‍ത്തകന്റെ കൊല: ഒരാള്‍ കൂടി അറസ്റ്റില്‍

Published : 5th July 2018 | Posted By: kasim kzm

കൊച്ചി: എറണാകുളം മഹാരാജാസ് കോളജിലെ രണ്ടാം വര്‍ഷ ബിരുദ വിദ്യാര്‍ഥി അഭിമന്യു കുത്തേറ്റ് മരിച്ച കേസില്‍ ഒരാളെക്കൂടി സെന്‍ട്രല്‍ പോലിസ് അറസ്റ്റ് ചെയ്തു. എറണാകുളം നെട്ടൂര്‍ സ്വദേശി സൈഫുദ്ദീന്‍ (27) ആണ് അറസ്റ്റിലായത്. ഇയാളെ ഇന്നു കോടതിയില്‍ ഹാജരാക്കുമെന്നു പോലിസ് പറഞ്ഞു. കഴിഞ്ഞ ദിവസം കോട്ടയം സ്വദേശി ബിലാല്‍, പത്തനംതിട്ട സ്വദേശി ഫാറൂഖ്, ഫോര്‍ട്ട് കൊച്ചി സ്വദേശി റിയാസ് എന്നിവരെ പോലിസ് അറസ്റ്റ് ചെയ്തിരുന്നു. ഇവരെ എറണാകുളം ജുഡീഷ്യല്‍ ഒന്നാം ക്ലാസ് മജിസ്‌ട്രേറ്റ് സന്ദീപ് കൃഷ്ണയുടെ വസതിയില്‍ കഴിഞ്ഞ ദിവസം രാത്രി 11.30ഓടെ ഹാജരാക്കി റിമാന്‍ഡ് ചെയ്തിരുന്നു. റിമാന്‍ഡില്‍ കഴിയുന്നവരെ വിട്ടുകിട്ടുന്നതിനായി എറണാകുളം സെന്‍ട്രല്‍ പോലിസ് കോടതിയില്‍ അപേക്ഷ നല്‍കി. അപേക്ഷ കോടതി ഇന്നു പരിഗണിക്കും.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss