|    May 24 Wed, 2017 7:46 am
FLASH NEWS

എഴുതിത്തള്ളിയവര്‍ക്കുള്ള മറുപടി: വി മുരളീധരന്‍

Published : 8th November 2015 | Posted By: SMR

തിരുവനന്തപുരം: ബിജെപിയെ എഴുതിത്തള്ളിയവര്‍ക്കുള്ള മറുപടിയാണ് ജനങ്ങള്‍ നല്‍കിയതെന്ന് ബിജെപി സംസ്ഥാന പ്രസിഡന്റ് വി മുരളീധരന്‍. സംസ്ഥാന തലസ്ഥാനത്ത് മുന്നേറ്റമുണ്ടാക്കാന്‍ യുഡിഎഫിന് സാധിച്ചിട്ടില്ല. ബിജെപി ചിത്രത്തില്‍ ഇല്ലെന്നായിരുന്നു മാര്‍ക്‌സിസ്റ്റ് പാര്‍ട്ടിയുടെയും കോണ്‍ഗ്രസ്സിന്റെയും പ്രചാരണം. എന്നാല്‍, നിലവില്‍ ബിജെപിയാണ് സജീവമായി ചിത്രത്തില്‍ വന്നിരിക്കുന്നത്. നരേന്ദ്ര മോദിക്കും ബിജെപിക്കുമെതിരായ കുപ്രചാരണങ്ങള്‍ തള്ളിക്കൊണ്ടാണ് ജനങ്ങളുടെ വിധിയെഴുത്ത്. തദ്ദേശ തിരഞ്ഞെടുപ്പില്‍ സംസ്ഥാനത്തെ കോര്‍പറേഷനുകളിലും നഗരസഭകളിലും ഗ്രാമ, ബ്ലോക്ക്, ജില്ലാ പഞ്ചായത്തുകളിലും ബിജെപിക്ക് പ്രാതിനിധ്യമുണ്ടാക്കാന്‍ കഴിഞ്ഞു. നെയ്യാറ്റിന്‍കര ഉപതിരഞ്ഞെടുപ്പില്‍ തുടങ്ങിയ ബിജെപി മുന്നേറ്റം തദ്ദേശ തിരഞ്ഞെടുപ്പിലും തുടരുകയാണ്. ബിജെപിക്കെതിരേ നുണപ്രചാരണങ്ങള്‍ നടത്തി ജനങ്ങളെ തെറ്റിധരിപ്പിക്കാമെന്ന വ്യാമോഹത്തിനേറ്റ തിരിച്ചടിയാണ് ഈ വിജയത്തിലൂടെ ഉണ്ടായിരിക്കുന്നതെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day