|    Mar 30 Thu, 2017 4:12 pm
FLASH NEWS

എല്‍ഡിഎഫ് സ്ഥാനാര്‍ത്ഥി തോമസ് ചാണ്ടിയുടെ ആസ്തി 92 കോടി

Published : 28th April 2016 | Posted By: swapna en

thomas-chandy1

ആലപ്പുഴ: കുട്ടനാട്ടിലെ എല്‍.ഡി.എഫ് സ്ഥാനാര്‍ഥി തോമസ് ചാണ്ടിയുടെ ആസ്തി് 92.37 കോടി. കഴിഞ്ഞ തവണ പത്രിക സമര്‍പ്പിക്കുമ്പോള്‍ ഇത് 39.71 കോടിയായിരുന്നു.  പത്രികാ സമര്‍പ്പണത്തിനൊപ്പം സമര്‍പ്പിച്ച രേഖകളിലാണ് തോമസ് ചാണ്ടിയുടെ സ്വത്ത് വിവരം.  5 വര്‍ഷത്തിനിടയില്‍ 65.85 കോടിയുടെ വര്‍ദ്ധനവാണ് ഉണ്ടായിരിക്കുന്നത്.

ബാങ്ക് നിക്ഷേപമായി ചാണ്ടിക്ക് 1,108,932 രൂപയും ഭാര്യക്ക് 16,24,50,551 രൂപയുമുണ്ട്.4,53,30,000 രൂപയുടെ മ്യൂച്ചല്‍ ഫണ്ട്, ഓഹരി നിക്ഷേപമുണ്ട്. ചാണ്ടിക്ക് 38,45,000 ഇന്‍ഷുറന്‍സ് പോളിസിയും ഭാര്യക്ക് 22,25,011 രൂപയുടേതും ആശ്രിതന് 14,92,044 രൂപയുടേതുമുണ്ട്.1,45,20,000 രൂപ വിലമതിക്കുന്ന രണ്ട് ആഡംബര കാറുകള്‍, രണ്ട് ഹൗസ് ബോട്ടുകള്‍, മൂന്ന് മോട്ടോര്‍ ബോട്ടുകള്‍ എന്നിവ ചാണ്ടിക്കും 5,60,000 വില മതിക്കുന്ന ഒരു മോട്ടോര്‍ ബോട്ട് ഭാര്യയുടെ പേരിലുമുണ്ട്. ചാണ്ടിയുടെ കൈയില്‍ 2,20,000 രൂപ വിലമതിക്കുന്ന 100 ഗ്രാം സ്വര്‍ണാഭരണവും ഭാര്യയുടെ കൈയില്‍ 11,00,000 രൂപ വിലമതിക്കുന്ന അര കിലോ സ്വര്‍ണവുമുണ്ട്. തോമസ് ചാണ്ടിയുടെ ജംഗമ വസ്തുക്കളുടെയും നിക്ഷേപത്തിന്റെയും മൊത്തം മൂല്യം  ഇപ്പോള്‍ 65,80,65,427 രൂപയാണ്. ഭാര്യയുടേത് 17,85,00,562 രൂപയും ആശ്രിതന്റെത് 15,02,044രൂപയുമാണ്. വരണാധികാരി  പ്രിന്‍സിപ്പല്‍ അഗ്രികള്‍ചര്‍ ഓഫിസര്‍ എസ്. പുഷ്പകുമാരി മുമ്പാകെയാണ് തോമസ് ചാണ്ടി ബുധനാഴ്ച പത്രിക നല്‍കിയത്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day