|    Dec 18 Mon, 2017 6:30 pm

എല്‍ഡിഎഫ് വാഗ്ദാനം ചെയ്യുന്നത് അഴിമതിരഹിത ഭരണം: വിഎസ്

Published : 18th April 2016 | Posted By: SMR

പാലക്കാട്: അഴിമതിരഹിത കേരളമാണ് എല്‍ ഡി എഫ് കേരള ജനതയ്ക്ക് വാഗ്ദാനം ചെയ്യുന്നതെന്ന് പ്രതിപക്ഷ നേതാവ് വി എസ് അച്യുതാനന്ദന്‍.
പാലക്കാട് സിപിഎം ജില്ലാ കമ്മിറ്റി ഓഫിസില്‍ വിഎസിന്റെ വെബ്‌സൈറ്റിന്റേയും സോഷ്യല്‍മീഡിയകളുടെയും പ്രകാശനത്തിനിടെ സംസാരിക്കുകയായിരുന്നു അദ്ദേഹം. എല്ലാ മേഖലകളിലും കേരളത്തില്‍ അഴിമതി കൊടികുത്തി വാഴുകയാണെന്നും ഇത് അവസാനിപ്പിച്ച് വികസന കേരളമാണ് എല്‍ ഡി എഫ് വാഗ്ദാനമെന്നും അദ്ദേഹം പറഞ്ഞു. സാങ്കേതികവിദ്യയുടെ ഉപയോഗത്തിലൂടെ തന്നെ സഹായിക്കാന്‍ ഒരു പാടുപേര്‍ മുന്നോട്ടുവന്നുവെന്നും നവമാധ്യമങ്ങളെ ഉപയോഗിച്ച് താനും തന്റെ പ്രസ്ഥാനവും ജനങ്ങളിലേക്ക് എത്തുകയാണെന്നും ഇതൊരു വണ്‍വേ ട്രാഫിക്ക് ആകില്ലെന്നും വി എസ് പറഞ്ഞു. ഈ രംഗത്തേക്ക് തന്നെ പോലൊരാള്‍ ഇറങ്ങുന്നത് ഒരുപാട് പ്രതീക്ഷകളോടെയാണെന്നും ഭയാശങ്കകള്‍ ഇല്ലാതില്ലെന്നും അദ്ദേഹം കൂട്ടിച്ചേര്‍ത്തു. അതേസമയം ഈ തരഞ്ഞെടുപ്പില്‍ എല്‍ഡിഎഫ് ചരിത്രവിജയം നേടുമെന്ന് വെബ്‌സൈറ്റ് പ്രകാശനം നിര്‍വഹിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss