|    Oct 22 Sun, 2017 5:01 am

എല്‍ഡിഎഫ് ചരിത്ര വിജയം നേടുമെന്ന് സിപിഎം ജില്ലാ സെക്രട്ടറി

Published : 28th October 2015 | Posted By: SMR

കൊച്ചി: തദ്ദേശ തിരഞ്ഞെടുപ്പില്‍ കൊച്ചി കോര്‍പറേഷനില്‍ എല്‍ഡിഎഫ് ചരിത്ര വിജയം നേടുമെന്ന് സിപിഎം ജില്ലാ സെക്രട്ടറി പി രാജീവ്. ഭരണത്തില്‍ പൂര്‍ണമായി പരാജയപ്പെട്ട യുഡിഎഫിന്റെ കുറ്റസമ്മതമാണ് 15 സിറ്റിങ് സീറ്റുകളില്‍ തങ്ങള്‍ പരാജയപ്പെടുമെന്ന മേയറുടെ പ്രസ്താവനയെന്നും രാജീവ് പറഞ്ഞു. മൂന്നരക്കൊല്ലം തനിക്ക് ഒന്നും ചെയ്യാന്‍ കഴിഞ്ഞില്ലെന്ന മേയറുടെ പരമാര്‍ശം ഭരണപരാജയത്തിന്റെ ഉത്തമ ഉദാഹരണമാണ്.
തെരുവ്‌നായ ശല്യം പരിഹരിക്കാനുള്ള പദ്ധതികള്‍ പ്രഖ്യാപനത്തില്‍ ഒതുങ്ങി. ബ്രഹ്മപുരത്തെ ആധുനിക മാലിന്യ സംസ്‌ക്കരണ പ്ലാന്റ് 2015 ആഗസ്റ്റ് 15ന് പൂര്‍ത്തിയാവുമെന്ന വാഗ്ദാനവും യാഥാര്‍ഥ്യമായില്ല. ഇക്കാര്യത്തില്‍ കോര്‍പറേഷന്‍ അനാസ്ഥയെ തുടര്‍ന്ന് സ്വന്തം നിലയില്‍ മറ്റൊരു പദ്ധതിയെ കുറിച്ച് ആലോചിക്കുമെന്ന് ചീഫ് സെക്രട്ടറിക്ക് പ്രഖ്യാപിക്കേണ്ടി വന്നു. 2014ല്‍ പൂര്‍ത്തിയാക്കുമെന്ന് പ്രഖ്യാപിച്ച പ്ലാസ്റ്റിക്ക് സംസ്‌ക്കരണ പ്ലാന്റ് എവിടെയും എത്താതെ കിടക്കുന്നു. റോ-റോ ജങ്കാര്‍ ഫെബ്രുവരിയില്‍ പൂര്‍ത്തിയാക്കുമെന്നായിരുന്നു പ്രഖ്യാപനം. ഇത് യാഥാര്‍ഥ്യമായിരുന്നെങ്കില്‍ 11 പേരുടെ ജീവന്‍ അപഹരിച്ച ഫോര്‍ട്ടുകൊച്ചി ബോട്ട്ദുരന്തം ഒഴിവാക്കാമായിരുന്നു. തമ്മനം-പുല്ലേപടി റോഡ് പൂര്‍ത്തീകരിച്ചില്ല. ഗോശ്രീ-മാമംഗലം റോഡും രേഖകളിലൊതുങ്ങി.— മെട്രോയുടെ ഭാഗമായുള്ള ഗതാഗത കുരുക്കും പരിഹരിച്ചില്ല. പാഴായിപ്പോയ പ്രഖ്യാപനങ്ങളുടെ പേരില്‍ ജനങ്ങളോട് മാപ്പു പറയാനുള്ള മര്യാദയാണ് യുഡിഫ് കാണിക്കേണ്ടതെന്നും രാജീവ് പറഞ്ഞു.
സിപിഐ ജില്ലാ സെക്രട്ടറി പി രാജു, എല്‍ഡിഎഫ് കോര്‍പറേഷന്‍ കമ്മിറ്റി സെക്രട്ടറി സി കെ മണിശങ്കര്‍, സാബു ജോര്‍ജ്, എം അനില്‍കുമാര്‍ വാര്‍ത്താസമ്മേളനത്തില്‍ പങ്കെടുത്തു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക