|    Sep 21 Thu, 2017 8:55 am

എല്ലാ കുട്ടികള്‍ക്കും ഉച്ചഭക്ഷണവുമായി പൂര്‍വവിദ്യാര്‍ഥികള്‍

Published : 6th March 2016 | Posted By: SMR

മുള്ളേരിയ: വൊക്കേഷനല്‍ ഹയര്‍സെക്കന്‍ഡറി സ്‌കൂള്‍ മുള്ളേരിയിയിലെ എല്ലാ കുട്ടികള്‍ക്കും ഉച്ചഭക്ഷണം നല്‍കുകാനുള്ള പദ്ധതിയായ ‘സുഭിക്ഷയ്ക്ക് സഹായവുമായി പൂര്‍വവിദ്യാര്‍ഥികള്‍.
സാമ്പത്തികമായി പിന്നാക്കം നില്‍ക്കുന്ന കുടുംബങ്ങളില്‍ നിന്ന് വരുന്ന ഭൂരിഭാഗം കുട്ടികളും ഉച്ചഭക്ഷണം കഴിക്കാതെയാണ് പഠിക്കാനെത്തിയിരുന്നത്. ഇതോടെയാണ് പിടിഎയുടെ നേതൃത്വത്തില്‍ സുഭിക്ഷ പദ്ധതിക്ക് തുടക്കം കുറിച്ചത്. ബസ് സൗകര്യംകുറഞ്ഞ ദേലമ്പാടി, പാണ്ടി, മിഞ്ചിപദവ്, കിന്നിങ്കാര്‍ എന്നീ മേഖലയില്‍ നിന്നാണ് പല കുട്ടികളും സ്‌കൂളില്‍ എത്തുന്നത്.
അതിരാവിലെ വീട്ടില്‍ നിന്ന് വരുന്നതിനാല്‍ ഭക്ഷണം കൊണ്ടുവരാനും ബുദ്ധിമുട്ടാണ്. നിലവില്‍ ഹൈസ്‌കൂള്‍ വരെയുള്ള കുട്ടികള്‍ക്കാണ് ഭക്ഷണം നല്‍കുന്നത്.
അടുത്ത അധ്യയനവര്‍ഷത്തോടെ വൊക്കേഷനല്‍ ഹയര്‍സെക്കന്‍ഡറി വിഭാഗത്തിലേക്കും പദ്ധതി വ്യാപിപ്പിക്കും. എട്ടാം ക്ലാസ് വരെയുള്ള കുട്ടികള്‍ക്ക് സര്‍ക്കാര്‍ ഉച്ചക്കഞ്ഞി നല്‍കുന്നുണ്ട്.
വൊക്കേഷനല്‍ ഹയര്‍സെക്കന്‍ഡറി വരെ വ്യാപിക്കുമ്പോള്‍ ആയിരത്തോളം കുട്ടികള്‍ക്കാണ് ഉച്ചഭക്ഷണം നല്‍കേണ്ടത്. ദിവസവും 15,000 രൂപ ഭക്ഷണത്തിനായി ചെലവഴിക്കും. നാട്ടുകാരോടപ്പം പൂര്‍വവിദ്യാര്‍ഥികളും ഉച്ചഭക്ഷണ ചെലവ് വഹിക്കാന്‍ തയ്യാറായാതോടെ പദ്ധതി ഹയര്‍സെക്കന്‍ഡറി വരെ വ്യാപിപ്പിക്കാന്‍ പിടിഎ തയ്യാറായിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക