|    Feb 20 Tue, 2018 9:05 pm
FLASH NEWS
Home   >  Todays Paper  >  page 12  >  

എയര്‍ ഇന്ത്യ സ്വകാര്യവല്‍ക്കരണം: ഈ വര്‍ഷം പൂര്‍ത്തിയാക്കുമെന്നു കേന്ദ്രം

Published : 3rd February 2018 | Posted By: kasim kzm

ന്യുഡല്‍ഹി: എയര്‍ ഇന്ത്യയുടെ സ്വകാര്യവല്‍ക്കരണം ഈ വര്‍ഷം അവസാനത്തോടെ പൂ ര്‍ത്തിയാക്കുമെന്നു കേന്ദ്രമന്ത്രി ജയന്ത് സിന്‍ഹ. ജൂണോടെ  എയര്‍ ഇന്ത്യ സ്വന്തമാക്കുന്ന കമ്പനി ഏതാണെന്ന് അറിയാനാവും. നാല് വ്യത്യസ്ത കമ്പനികള്‍ക്കായി എയര്‍ ഇന്ത്യയെ വില്‍ക്കാനാണു കേന്ദ്രസര്‍ക്കാര്‍ തീരുമാനം. സ്വകാര്യ കമ്പനികള്‍ക്ക് 51 ശതമാനം വരെ ഓഹരി പങ്കാളിത്തം നേടാനാവും.കമ്പനി സ്വകാര്യവല്‍ക്കരിക്കുന്നതിനുള്ള നടപടികള്‍ ഏതാനും ആഴ്ചകള്‍ക്കകം ആരംഭിക്കുമെന്നു കേന്ദ്ര വ്യോമയാന സഹമന്ത്രി ജയന്ത് സിന്‍ഹ പറഞ്ഞു. ഏതൊക്കെ സ്വത്തുക്കളാണു സ്വകാര്യവല്‍ക്കരിക്കുന്നത്, സര്‍ക്കാര്‍ മേഖലയില്‍ എത്ര ശതമാനം ഓഹരിയുണ്ടാവും തുടങ്ങിയ കാര്യങ്ങളില്‍ വ്യക്തത വരുത്തിക്കൊണ്ടുള്ള രേഖ ഉടന്‍ പുറത്തിറക്കും. എയര്‍ ഇന്ത്യക്ക് അനുയോജ്യരായ ബിഡര്‍മാരെ ജൂണ്‍ അവസാനത്തോടെ ലഭിക്കുമെന്നാണു കരുതുന്നതെന്ന് ജയന്ത് പറഞ്ഞു.ഈ വര്‍ഷം അവസാനത്തോടെ ഇടപാട് പൂര്‍ത്തിയാവും. ഓഹരി വില്‍പന സംബന്ധിച്ച എല്ലാ നിയമ നടപടികളും ഈ വര്‍ഷം അവസാനത്തോടെ പൂര്‍ത്തിയാവും. കഴിഞ്ഞ വര്‍ഷമാണ് എയര്‍ ഇന്ത്യ സ്വകാര്യവല്‍ക്കരിക്കാന്‍ തീരുമാനിച്ചത്. കേന്ദ്ര ധനമന്ത്രി അരുണ്‍ ജെയ്റ്റ്‌ലിയുടെ നേതൃത്വത്തിലുള്ള മന്ത്രിതല സംഘമാണ് ഓഹരി വില്‍പനയ്ക്കു നേതൃത്വം നല്‍കുന്നത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss