|    Mar 25 Sat, 2017 5:46 am
FLASH NEWS

എയര്‍ ഇന്ത്യ നോണ്‍വെജ് ഭക്ഷണം ഒഴിവാക്കുന്നു

Published : 26th December 2015 | Posted By: G.A.G

AIR-INDIA

ന്യൂഡല്‍ഹി : എയര്‍ ഇന്ത്യ ഒന്നര മണിക്കൂര്‍ വരെയുള്ള യാത്രകളില്‍ എക്കണോമി ക്ലാസ് യാത്രക്കാര്‍ക്ക്് നല്‍കുന്ന ഭക്ഷണത്തില്‍ നിന്നും നോണ്‍വെജ് വിഭവങ്ങള്‍
ഒഴിവാക്കുന്നു. ഉച്ചഭക്ഷണത്തിലും അത്താഴത്തിലും ചായയും കാപ്പിയും ഒഴിവാക്കാനും തീരുമാനമുണ്ട്. ജനുവരി ഒന്നു മുതല്‍ ഇത് പ്രാബല്യത്തില്‍ വരും.
90 മിനിറ്റു വരെയുള്ള യാത്രകളില്‍ ഇപ്പോള്‍ നല്‍കിവരുന്ന വെജ്- നോണ്‍വെജ് സാന്‍ഡ് വിച്ച്, കേക്ക് എന്നിവ ഒഴിവാക്കാനും  തീരുമാനമുണ്ട്. ഇവയ്ക്കുപകരം ഒരു മണിക്കൂറിനും ഒന്നരമണിക്കൂറിനും ഇടയില്‍ ദൈര്‍ഘ്യമുള്ള ആഭ്യന്തര സെക്ടര്‍ യാത്രകളിലെ എക്കണോമി ക്ലാസുകാര്‍ക്ക് പൂര്‍ണ വെജിറ്റേറിയന്‍ ഇന്ത്യന്‍ ഊണ് നല്‍കണമെന്ന്് നിര്‍ദേശിക്കുന്ന സര്‍ക്കുലര്‍ പുറത്തിറങ്ങിക്കഴിഞ്ഞു. എയര്‍ ഇന്ത്യയുടെ തീരുമാനത്തിനെതിരെ ഇതിനകം പ്രതിഷേധം ഉയര്‍ന്നു കഴിഞ്ഞിട്ടുണ്ടെങ്കിലും തങ്ങള്‍ ഭക്ഷണത്തിന്റെ നിലവാരം ഉയര്‍ത്തുകയാണെന്നാണ് കമ്പനിയുടെ നിലപാട്. വിമാനക്കമ്പനികള്‍ ഇത്തരം തീരുമാനമെടുക്കുന്നതിന് മുന്‍പ് കസ്റ്റമര്‍ സര്‍വേ നടത്തേണ്ടതുണ്ടെന്ന് ട്രാവല്‍- ടൂറിസം രംഗത്തെ വിദഗ്ദര്‍ ചൂണ്ടിക്കാണിക്കുന്നു. ഇതിനു പകരം ഏകപക്ഷീയമായാണ് എയര്‍ ഇന്ത്യ ഇത്തരമൊരു തീരുമാനമെടുത്തതെന്നും അവര്‍ പറയുന്നു.

(Visited 107 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക