|    Nov 19 Mon, 2018 4:05 am
FLASH NEWS

എബിസി പ്രൊജക്ട് കൂടുതല്‍ കാര്യക്ഷമമാക്കും

Published : 5th May 2018 | Posted By: kasim kzm

കോഴിക്കോട്: തെരുവു നായ്ക്കളെ പിടികൂടി വന്ധ്യംകരിക്കുന്ന എബിസി പ്രൊജക്ട് ജില്ലയില്‍ കൂടുതല്‍ കാര്യക്ഷമമായി പുനരാരംഭിക്കും.
കളക്ടര്‍ യു വി ജോസിന്റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം. വന്ധ്യംകരണ കേന്ദ്രത്തില്‍ തെരുവു നായ്ക്കള്‍ കൂട്ടത്തോടെ ചത്ത സംഭവത്തില്‍ ജനരോക്ഷം കണക്കിലെടുത്ത് പദ്ധതി താല്‍ക്കാലികമായി നിര്‍ത്തി വച്ചിരുന്നു. മൃഗസംരക്ഷണ വകുപ്പും ജില്ലാ പഞ്ചായത്തും ഗ്രാമ പഞ്ചായത്തുകളുടെ സഹകരണത്തോടെയാണ് പനങ്ങാട് ഗ്രാമപഞ്ചായത്തില്‍ കേന്ദ്രം ആരംഭിച്ചത്. ഇവിടെ കഴിഞ്ഞ മാസം വന്ധ്യംകരണം കഴിഞ്ഞതുള്‍പ്പടെ 24 നായ്ക്കള്‍ ചത്തിരുന്നു. സംഭവത്തില്‍ പോലീസ് അന്വേഷണം കൂടുതല്‍ ശക്തമാക്കാന്‍  കളക്ടര്‍ നിര്‍ദ്ദേശം നല്‍കി. കൂടാതെ കുടുംബശ്രീയുടെ നേതൃത്വത്തില്‍ പദ്ധതി കൂടുതല്‍ ഊര്‍ജിതമാക്കാനും യോഗത്തില്‍ തീരുമാനമായി. മൃഗസംരക്ഷണ വകുപ്പ് മേധാവി  ഡോ. മോഹന്‍ദാസ്, അഡ്വ. അഡോള്‍ഫിന്‍, കുടുംബശ്രീ ഡിഎംസി പി സി കവിത പങ്കെടുത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss