|    Dec 14 Thu, 2017 3:27 pm
FLASH NEWS
Home   >  Todays Paper  >  page 11  >  

എഫ് കപ്പ് റീപ്ലേ: ജയത്തോടെ ലിവര്‍പൂളും ടോട്ടനവും നാലാംറൗണ്ടില്‍

Published : 22nd January 2016 | Posted By: SMR

ലണ്ടന്‍: എഫ്എ കപ്പ് മൂന്നാംറൗണ്ടിന്റെ റീപ്ലേയില്‍ ജയം നേടി ലിവര്‍പൂളും ടോട്ടനം ഹോട്‌സ്പറും നാലാംറൗണ്ടില്‍ കടന്നു. കഴിഞ്ഞയാഴ്ച നടന്ന മല്‍സരങ്ങള്‍ സമനിലയില്‍ പിരിഞ്ഞതോടെയാണ് കളി വീണ്ടും നടത്തേണ്ടിവന്നത്.
ലിവര്‍പൂള്‍ ഹോംഗ്രൗണ്ടില്‍ നടന്ന മല്‍സരത്തില്‍ മൂന്നാം ഡിവിഷന്‍ ക്ലബ്ബായ എക്‌സറ്റര്‍ സിറ്റിയെ 3-0ന് തകര്‍ക്കുകയായിരുന്നു. ജോ അലെന്‍ (10ാം മിനിറ്റ്), ഷെയി ഓജോ (74), ജാവോ ടെക്‌സെയ്‌റ (82) എന്നിവരാണ് ലിവര്‍പൂളിന്റെ സ്‌കോറര്‍മാര്‍. നേരത്തേ ഒന്നാംപാദത്തില്‍ എക്‌സറ്റര്‍ 2-2ന് ലിവര്‍പൂളിനെ തളച്ചിരുന്നു. ആദ്യപാദത്തില്‍ ലിവര്‍പൂളിനെ സമ്മര്‍ദ്ദത്തിലാക്കിയ എക്‌സറ്ററിന് കഴിഞ്ഞ കളിയില്‍ ഈ പ്രകടനം ആവര്‍ത്തിക്കാനായില്ല. വളരെ കുറച്ച് മുന്നേറ്റങ്ങള്‍ മാത്രമേ അവര്‍ക്കു നടത്താനായുള്ളൂ.
അതേസമയം, പ്രീമിയര്‍ ലീഗില്‍ മിന്നുന്ന ഫോമില്‍ കളിക്കുന്ന ലെസ്റ്റര്‍ സിറ്റിയെയാണ് ടോട്ടനം 2-0ന് തോല്‍പ്പിച്ചത്. ഹ്യുങ് മിന്‍ സണ്‍ (39ാം മിനിറ്റ്), നാസര്‍ ചാഡ്‌ലി (66) എന്നിവര്‍ ടോട്ടനത്തിനായി ലക്ഷ്യംകണ്ടു. കഴിഞ്ഞയാഴ്ച ഇരുടീമും തമ്മില്‍ ഏറ്റുമുട്ടിയപ്പോള്‍ മല്‍സരം 2-2ന് അവസാനിക്കുകയായിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക