|    May 25 Thu, 2017 1:14 am
FLASH NEWS

എന്‍സിഡിസിയുടെ ശിശുസൗഹൃദ പുരസ്‌കാരം കോടഞ്ചേരി എല്‍പി സ്‌കൂളിന്

Published : 12th March 2016 | Posted By: SMR

കൊച്ചി: നാഷനല്‍ ചൈല്‍ഡ് ഡെവലപ്‌മെന്റ് കൗണ്‍സില്‍ (എന്‍സിഡിസി) കേരള റീജ്യന്‍ ഏര്‍പ്പെടുത്തിയ സംസ്ഥാനത്തെ മികച്ച ശിശുസൗഹൃദ സ്‌കൂള്‍ പുരസ്‌കാരം കോഴിക്കോട് കോടഞ്ചേരി സെന്റ് ജോസഫ്‌സ് എല്‍പി സ്‌കൂള്‍ അര്‍ഹമായതായി.
നാഷനല്‍ ചൈല്‍ഡ് ഡെവലപ്‌മെന്റ് കൗണ്‍സില്‍ മാസ്റ്റര്‍ ട്രെയിനര്‍ ബാബ അലക്‌സാണ്ടര്‍, എറണാകുളം സെന്റര്‍ മേധാവി എസ് ബിന്ദു എന്നിവര്‍ വാര്‍ത്താസമ്മേളനത്തില്‍ അറിയിച്ചു. സ്‌കൂളുകളെ ശിശുസൗഹൃദമാക്കുന്ന അടിസ്ഥാന സൗകര്യങ്ങള്‍, വിനോദോപാധികള്‍, അന്തരീക്ഷം, കുട്ടികളോടുള്ള പെരുമാറ്റം, പഠനരീതി, പാഠ്യാനുബന്ധ പ്രവര്‍ത്തനങ്ങള്‍, പാഠ്യേതര പ്രവര്‍ത്തനങ്ങള്‍ എന്നിവ പരിഗണിച്ചാണ് അവാര്‍ഡ് നല്‍കിയത്. 25,001 രൂപയും മൊമന്റോയും സര്‍ട്ടിഫിക്കറ്റും അടങ്ങുന്നതാണ് പുരസ്‌കാരം. മാര്‍ച്ച് 19ന് തിരുവനന്തപുരത്തുവച്ച് ഡോ. ഫിലിപ്പോസ് മാര്‍ ക്രിസോസ്റ്റം വലിയ മെത്രാപോലീത്ത അവാര്‍ഡ് സമ്മാനിക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day