|    Oct 22 Mon, 2018 8:48 pm
FLASH NEWS

എന്‍ഡോസള്‍ഫാന്‍: സര്‍ക്കാര്‍ നടപടിയില്‍ പ്രതിഷേധം; ദുരിതബാധിതര്‍ ഉപവാസം നടത്തി

Published : 12th December 2017 | Posted By: kasim kzm

വിദ്യാനഗര്‍: എന്‍ഡോസള്‍ഫാന്‍ ദുരിതബാധിതര്‍ കൂട്ട ഉപവാസം നടത്തി. 1905 പേരടങ്ങുന്ന ദുരിതബാധിതരുടെ എണ്ണം 257 ആയി വെട്ടിചുരുക്കിയ സര്‍ക്കാര്‍ നടപടിയില്‍ പ്രതിഷേധിച്ചാണ് കൂട്ട ഉപവാസം നടത്തിയത്. പട്ടികയില്‍പ്പെടാത്ത കുട്ടികളെയും തോളത്തേറ്റിയാണ് അമ്മമാര്‍ വിദ്യാനഗര്‍ ബിസി റോഡിലെ സമര പന്തലിലെത്തിയത്. സമരം എന്‍ഡോസള്‍ഫാ ന്‍ ദുരിതബാധിതരുടെ അമ്മമാരായ കെ ചന്ദ്രാവതി, എം പി ജമീല, സി വി നളിനി, ടി അഖിലകുമാരി, വിമല ഫ്രാന്‍സിസ്, കെ അനിത, ഗീത ജോണി തുടങ്ങിയവര്‍ പന്തം കൊളുത്തി ഉദ്ഘാടനം ചെയ്തു. നാരായണന്‍ പേരിയ അധ്യക്ഷത വഹിച്ചു. എന്‍ എ നെല്ലിക്കുന്ന് എംഎല്‍എ, പ്രഫ. അംബികാസുതന്‍ മാങ്ങാട്, പത്മനാഭന്‍ ബ്ലാത്തൂര്‍, ഖാലിദ് കൊളവയല്‍, അഡ്വ. രാധാകൃഷ്ണന്‍ പെരുമ്പള, മോഹനന്‍ മാങ്ങാട്, പ്രേമചന്ദ്രന്‍ ചോമ്പാല, പി പി കെ പൊതുവാള്‍, കെ കൊട്ടന്‍, അബ്ദുല്‍ഖാദര്‍ ചട്ടഞ്ചാല്‍, അമ്പലത്തറ കുഞ്ഞികൃഷ്ണന്‍ സംസാരിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss