|    Feb 20 Tue, 2018 5:22 pm
FLASH NEWS
Home   >  Todays Paper  >  Page 5  >  

എന്‍ഡിടിവിക്കെതിരായ സിബിഐ നീക്കം അപലപനീയം : പത്രപ്രവര്‍ത്തക യൂനിയന്‍

Published : 7th June 2017 | Posted By: fsq

 

തിരുവനന്തപുരം: എന്‍ഡിടിവിക്കെതിരായ സിബിഐ നീക്കം അപലപനീയമാണെന്ന്് കേരള പത്രപ്രവര്‍ത്തക യൂനിയന്‍ പ്രസിഡന്റ് പി എ അബ്ദുല്‍ ഗഫൂര്‍, ജനറല്‍ സെക്രട്ടറി സി നാരായണന്‍ പ്രസ്താവനയില്‍ പറഞ്ഞു. ഈ നടപടികള്‍ ആ മാധ്യമ സ്ഥാപനത്തെ നശിപ്പിക്കാനുള്ള നിരന്തര ശ്രമത്തിന്റെ ഭാഗമായി വേണം കരുതാന്‍. നേരത്തേ ഇതേ ചാനലിന്റെ സംപ്രേഷണം ഒരു ദിവസം നിരോധിക്കാന്‍ കേന്ദ്ര സര്‍ക്കാര്‍ ഉത്തരവിടുകയുണ്ടായെങ്കിലും രാജ്യവ്യാപകമായി ഉയര്‍ന്ന പ്രതിഷേധത്തെ തുടര്‍ന്ന് അതില്‍ നിന്നും പിന്‍മാറുകയായിരുന്നു. സര്‍ക്കാരിനെ അനുകൂലിക്കാതിരിക്കുകയോ വിമര്‍ശിക്കുകയോ ചെയ്യുന്ന മാധ്യമങ്ങളെ ശ്വാസംമുട്ടിക്കാനുള്ള ശ്രമത്തെ ജനാധിപത്യ സമൂഹം അംഗീകരിക്കുകയില്ല. ലക്ഷക്കണക്കിന് കോടി രൂപ കടം വരുത്തിയിട്ടുള്ള വന്‍കിട കോര്‍പറേറ്റുകളെ ഇഷ്ടാനുസരണം വിഹരിക്കാന്‍ വിടുന്ന സര്‍ക്കാര്‍ എന്‍ഡിടിവിയുടെ കാര്യത്തില്‍ കാണിക്കുന്ന അതിശ്രദ്ധ സംശയാസ്പദമാണ്. കടബാധ്യതയുടെ പേരില്‍ മാധ്യമ എഡിറ്റര്‍മാരുടെ വീടുകളില്‍ റെയ്ഡ് നടത്തുന്നത് ഭരണകൂടത്തിന്റെ ഭീഷണിയാണ്. കോര്‍പറേറ്റുകളുടെ ഓഫിസുകളിലോ വീടുകളിലോ എന്തു കൊണ്ടാണ് സിബിഐ പോവാത്തതെന്ന ചോദ്യം പ്രസക്തമാണ്. എന്‍ഡിടിവിക്കെതിരായ തുടര്‍ച്ചയായ നീക്കങ്ങള്‍ പ്രതികാര നടപടിയും മാധ്യമ സ്വാതന്ത്ര്യത്തിനു നേരെയുള്ള കനത്ത വെല്ലുവിളിയുമാണെന്ന്് ഭാരവാഹികള്‍ ചൂണ്ടിക്കാട്ടി.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss