|    Apr 24 Tue, 2018 10:13 pm
FLASH NEWS
Home   >  Todays Paper  >  page 7  >  

എന്‍ജിന്‍ ഇല്ലാതെ ട്രെയിന്‍ സഞ്ചരിച്ചു; 10 കിലോമീറ്റര്‍ ദൂരം

Published : 9th April 2018 | Posted By: kasim kzm

ഭുവനേശ്വര്‍: എന്‍ജിനില്ലാതെ അഹ്മദാബാദ്-പുരി എക്‌സ്പ്രസ് തീവണ്ടിയുടെ 22 കോച്ചുകള്‍ 10 കിലോമീറ്ററോളം സഞ്ചരിച്ചു.
ഒഡീഷയില്‍ ശനിയാഴ്ച രാത്രിയാണു സംഭവം. സംഭവത്തെ തുടര്‍ന്ന് ഏഴ് റെയില്‍വേ ജീവനക്കാരെ കൃത്യവിലോപത്തിന്റെ പേരില്‍ സസ്‌പെന്‍ഡ് ചെയ്തു. രണ്ട് എന്‍ജിന്‍ ഡ്രൈവര്‍മാര്‍, മൂന്ന് കാരേജ് റിപയറിങ് ജീവനക്കാര്‍, ഓപറേറ്റിങ് വിഭാഗത്തിലെ രണ്ട് ജീവനക്കാര്‍ എന്നിവരെയാണ് സസ്‌പെന്‍ഡ് ചെയ്തതെന്ന് ഈസ്റ്റ് കോസ്റ്റ് റെയില്‍വേ വക്താവ് അറിയിച്ചു.
ബൊലാങ്കിര്‍ ജില്ലയിലെ ടിറ്റ്‌ലഗഡ് റെയില്‍വേ സ്‌റ്റേഷന്‍ മുതല്‍ കലഹാണ്ടി ജില്ലയിലെ കെസിങ്ക വരെയാണു തീവണ്ടി എന്‍ജിനില്ലാതെ ഓടിയത്. യാത്രക്കാരെല്ലാവരും സുരക്ഷിതരാണ്.
റെയില്‍വേ ജീവനക്കാര്‍ പാളത്തില്‍ കല്ലുകളിട്ടാണു തീവണ്ടി നിര്‍ത്തിച്ചത്. തീവണ്ടി ടിറ്റ്‌ലഗഡില്‍ നിന്ന് കെസിങ്കയിലെത്തുമ്പോള്‍ ചരിഞ്ഞ പ്രദേശമാണെന്നും തലനാഴിരയ്ക്കാണ് അപകടം ഒഴിവായതെന്നും ഈസ്റ്റ് കോസ്റ്റ്  റെയില്‍വേ വക്താവ് പറഞ്ഞു. സംഭവത്തില്‍ വിശദമായ അന്വേഷണത്തിനു ഈസ്റ്റ് കോസ്റ്റ്  റെയില്‍വേ ഉത്തരവിട്ടിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss