|    Sep 21 Thu, 2017 11:13 pm
Home   >  Todays Paper  >  Page 4  >  

എന്‍ജിനീയര്‍മാര്‍ക്ക് ഭരണപരമായ അധികാരംം നല്‍കണമെന്ന് ഇ ശ്രീധരന്‍

Published : 28th January 2016 | Posted By: SMR

കൊച്ചി: പദ്ധതികളുടെ പൂര്‍ത്തീകരണത്തിലുള്ള കാലതാമസം ഒഴിവാക്കുന്നതിനു എന്‍ജിനീയര്‍മാര്‍ക്ക് ഐ എ എസ് ഉദ്യോഗസ്ഥരേക്കാള്‍ കൂടുതല്‍ ഉത്തരവാദിത്വങ്ങളും ഭരണപരമായ അധികാരങ്ങളും നല്‍കണമെന്നു ഡല്‍ഹി മെട്രോ റെയില്‍ കോര്‍പറേഷന്‍ മുഖ്യഉപദേഷ്ടാവ് ഡോ. ഇ ശ്രീധരന്‍ . കേരളത്തിലെ മികച്ച എന്‍ജിനീയറിംഗ് കോളജ് അധ്യാപകര്‍ക്ക് എന്‍ഐടിസിഎഎ നല്‍കുന്ന അവാര്‍ഡ് കോഴിക്കോട് എന്‍ ഐ ടി യിലെ പ്രഫ.ഡോ.ലില്ലിക്കുട്ടി ജേക്കബിനു സമ്മാനിക്കുകയായിരുന്നുഅദ്ദേഹം.
ഇന്ത്യയിലെ 12 മെട്രോകളില്‍ ടെക്‌നോക്രാറ്റുകള്‍ നേതൃത്വം നല്‍കുന്ന പദ്ധതികളാണ് ബ്യൂറോക്രാറ്റുകള്‍ നേതൃത്വം നല്‍കുന്ന പദ്ധതികളേക്കാള്‍ കൂടുതല്‍ പുരോഗതി കൈവരിച്ചിട്ടുള്ളത്.എന്‍ജീനിയര്‍മാരെ പൂര്‍ണമായും അംഗീകരിക്കാത്തതുകൊണ്ടും ഐ എ എസ് ഉദ്യോഗസ്ഥര്‍ക്കു കീഴില്‍ പ്രവര്‍ത്തിക്കുകയും ഒത്തുതീര്‍പ്പുകള്‍ നടത്തുകയും ചെയ്യേണ്ടി വരുന്നതുകൊണ്ടും അവര്‍ക്ക് ഉയരങ്ങള്‍ കീഴടക്കാന്‍ കഴിയുന്നില്ല. പ്രതിഫലത്തിനുവേണ്ടി മാത്രമല്ലാതെ തങ്ങള്‍ക്കുവേണ്ടി ഭരണകൂടം ചിലവഴിക്കുന്ന വന്‍തുകയുടെ പ്രതിനന്ദി കാണിക്കുന്നതിനായി എന്‍ജിനീയര്‍മാര്‍ രാഷ്ട്ര സേവനം നിര്‍വഹിക്കണമെന്നും ഇ ശ്രീധരന്‍ പറഞ്ഞു.കാക്കനാട് റെക്കാ ക്ലബ്ബില്‍ നടന്ന ചടങ്ങില്‍ പ്രസിഡന്റ് പി എ ഹാഷിം, എന്‍ ഐ ടി ഡീന്‍ ഡോ.അബ്രാഹം ടി മാത്യു, സെക്രട്ടറി റെജില്‍ ദാസ് സംസാരിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക