|    Mar 24 Fri, 2017 1:41 pm
FLASH NEWS

എട്ടു പേര്‍ കൂടി പത്രിക സമര്‍പ്പിച്ചു

Published : 28th April 2016 | Posted By: SMR

കാസര്‍കോട്: നിയമസഭാ പൊതുതിരഞ്ഞെടുപ്പിന്റെ ഭാഗമായി എട്ട് നാമനിര്‍ദ്ദേശ പത്രികകള്‍കൂടി സമര്‍പ്പിച്ചു. മഞ്ചേശ്വരം നിയമസഭാ മണ്ഡലത്തില്‍ ബിജെപി സ്ഥാനാര്‍ഥികളായി കെ സുരേന്ദ്രന്‍ മൂന്നു സെറ്റും പി സുരേഷ് കുമാര്‍ ഷെട്ടി ഒരു സെറ്റും പത്രികകള്‍ സമര്‍പ്പിച്ചു.
വരണാധികാരിയായ ഡെപ്യൂട്ടി കലക്ടര്‍ (എല്‍ആര്‍) സി ജയന്‍ മുമ്പാകെയാണ് പത്രിക നല്‍കിയത്. കാസര്‍കോട് മണ്ഡലത്തില്‍ ബിജെപി സ്ഥാനാര്‍ഥികളായ രവിശ തന്ത്രി മൂന്ന് സെറ്റ് പത്രികയും എ സി അശോക് കുമാര്‍ ഒരു സെറ്റ് പത്രികയും, ഐഎന്‍എല്ലിന് വേണ്ടി കെ എസ് ഫക്രുദ്ദീന്‍ഒരു സെറ്റ് പത്രികയും സമര്‍പ്പിച്ചു. വരണാധികാരിയായ ജില്ലാ പ്ലാനിങ് ഓഫിസര്‍ പി ഷാജി മുമ്പാകെയാണ് പത്രിക നല്‍കിയത്.
ഉദുമ മണ്ഡലത്തില്‍ എസ്ഡിപിഐ സ്ഥാനാര്‍ഥി മുഹമ്മദ് കുഞ്ഞി എ നാമനിര്‍ദ്ദേശ പത്രിക നല്‍കി. വരണാധികാരിയായ ഡപ്യൂട്ടി കലക്ടര്‍ (എല്‍എ) ബി അബ്ദുന്നാസര്‍ മുമ്പാകെയാണ് പത്രിക നല്‍കിയത്. കാഞ്ഞങ്ങാട് മണ്ഡലത്തില്‍ പിഡിപി സ്ഥാനാര്‍ഥി എം ഹസയ്‌നാര്‍ വരണാധികാരിയായ സബ് കലക്ടര്‍ മൃണ്‍മയി ജോഷി മുമ്പാകെ പത്രിക സമര്‍പ്പിച്ചു. തൃക്കരിപ്പൂര്‍ മണ്ഡലത്തില്‍ എസ്ഡിപിഐ സ്ഥാനാര്‍ഥിയായ എം വി ഷൗക്കത്തലി വരണാധികാരിയായ ഡെപ്യൂട്ടി കലക്ടര്‍ ഇ ജെ ഗ്രേസി മുമ്പാകെ പത്രിക സമര്‍പ്പിച്ചു.
22ന് പത്രിക സമര്‍പ്പണം ആരംഭിച്ചതുമുതല്‍ ജില്ലയില്‍ ഇതുവരെ 21 പേരാണ് പത്രിക നല്‍കിയത്.

(Visited 50 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക