|    Oct 23 Mon, 2017 1:17 pm
FLASH NEWS
Home   >  Todays Paper  >  page 11  >  

എടിപി ലോക ടൂര്‍സ്: മുറേയ്‌ക്കെതിരേ നദാലിന് ജയം

Published : 20th November 2015 | Posted By: SMR

ലണ്ടന്‍: എടിപി ലോക ടൂര്‍സ് ഫൈനല്‍സില്‍ ശ്രദ്ധേയമായ പോരാട്ടത്തില്‍ ബ്രിട്ടന്റെ ഒന്നാംനമ്പര്‍ താരം ആന്‍ഡി മുറേയ്‌ക്കെതിരേ മുന്‍ ലോക ഒന്നാംനമ്പര്‍ സ്പാനിഷ് സൂപ്പര്‍ താരം റാഫേല്‍ നദാലിനു ജയം. ഈ വര്‍ഷത്തെ തന്റെ ഏറ്റവും മികച്ച പ്രകടനം പുറത്തെടുത്ത നദാല്‍ 6-4, 6-1നാണ് മുറേയെ നിഷ്പ്രഭനാക്കിയത്. ജയത്തോടെ നദാല്‍ സെമിക്ക് തൊട്ടരികിലെത്തുകയും ചെയ്തു.
പരിക്കും മോശം ഫോമും മൂലം ഈ വര്‍ഷം നിരവധി തിരിച്ചടികള്‍ നേരിടേണ്ടിവന്ന 29കാരനായ നദാല്‍ ഇവയെല്ലാം മായ്ക്കുന്ന കളിയാണ് കാഴ്ചവച്ചത്.
മറ്റൊരു മല്‍സരത്തില്‍ സ്വിറ്റ്‌സര്‍ലന്‍ഡ് താരം സ്റ്റാനിസ്‌ലാസ് വാവ്‌റിന്‍ക നേരിട്ടുള്ള സെറ്റുകള്‍ക്ക് സ്‌പെയിനിന്റെ ഡേവിഡ് ഫെററെ കീഴക്കി. ആദ്യസെറ്റില്‍ 2-5നു പിന്നിട്ടുനിന്ന ശേഷമാണ് വാവ്‌റിന്‍ക 7-5, 6-2നു ജയിച്ചുകയറിയത്.
അതേസമയം, ഡബിള്‍സില്‍ ഇന്ത്യയുടെ രോഹന്‍ ബൊപ്പണ്ണ-റുമാനിയയുടെ ഫ്‌ളോഫിന്‍ മെര്‍ജിയ സഖ്യം സെമിയിലേക്ക് മുന്നേറി. ലോക റാങ്കിങില്‍ എട്ടാമതുള്ള ഇന്തോ-റുമാനിയന്‍ ജോടി നാലാം റാങ്കിലുള്ള ബ്രിട്ടന്റെ ജാമി മുറേ-ആസ്‌ത്രേലിയയുടെ ജോണ്‍ പിയേഴ്‌സ് സഖ്യത്തെ 6-3, 7-6നു തോല്‍പ്പിക്കുകയായിരുന്നു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക