|    Mar 25 Sat, 2017 10:55 pm
FLASH NEWS

എടിഎം കൗണ്ടറുകളില്‍ കവര്‍ച്ചാശ്രമം; പ്രതിയുടെ രേഖാചിത്രം പുറത്തുവിട്ടു

Published : 27th December 2015 | Posted By: SMR

കാഞ്ഞങ്ങാട്ട്: നഗരത്തില്‍ രണ്ട് എടിഎം കൗണ്ടറുകളില്‍ കവര്‍ച്ചാശ്രമം നടത്തിയ സംഭവത്തില്‍ സിസിടിവിയില്‍ പതിഞ്ഞ പ്രതിയുടെ രേഖാചിത്രം പോലിസ് പുറത്തുവിട്ടു. പുതിയകോട്ട ഹെഡ് പോസ്റ്റ് ഓഫിസിന് സമീപത്തുള്ള വിജയ ബാങ്കിന്റെ എടിഎം കൗണ്ടറിലും ബാങ്ക് ഓഫ് ബറോഡ കാഞ്ഞങ്ങാട് ശാഖയുടെ എടിഎമ്മിലുമാണ് വ്യാഴാഴ്ച രാത്രി കവര്‍ച്ചാ ശ്രമം നടന്നത്.
വിജയബാങ്കിന്റെ എടിഎം കൗണ്ടറില്‍ പണം പുറത്തേക്ക് വരുന്ന യന്ത്രഭാഗം നീക്കം ചെയ്ത് കവര്‍ച്ച നടത്താനായിരുന്നു ശ്രമം. എന്നാല്‍ ഇത് നീക്കം ചെയ്യുന്നതിനിടെ യന്ത്രം പ്രവര്‍ത്തന രഹിതമായതോടെ കവര്‍ച്ചക്കാരന്‍ ശ്രമം ഉപേക്ഷിക്കുകയായിരുന്നുവെന്നാണ് പോലിസ് പറയുന്നത്. ഇതിനുശേഷമാണ് ബാങ്ക് ഓഫ് ബറോഡ എടിഎം കൗണ്ടറിനകത്ത് കവര്‍ച്ചയ്ക്ക് ശ്രമിച്ചത്. എന്നാല്‍ ശ്രമം വിഫലമായതോടെ ഇതും ഉപേക്ഷിക്കുകയായിരുന്നു.
കാസര്‍കോട്ട് നിന്നും വിരലടയാള വിദഗ്ദ്ധര്‍ സ്ഥലത്തെത്തി തെളിവ് ശേഖരിച്ചു. വിജയ ബാങ്ക് കാഞ്ഞങ്ങാട് ശാഖാ മാനേജര്‍ അബ്ദുര്‍റഹ്മാന്റെ പരാതിയില്‍ ഹൊസ്ദുര്‍ഗ് പോലിസ് കേസെടുത്ത് അന്വേഷണം ആരംഭിച്ചു.

(Visited 67 times, 1 visits today)
thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക