|    Oct 18 Thu, 2018 12:59 pm
FLASH NEWS

എടിഎം കൗണ്ടറില്‍ നിന്നും പണം തട്ടിയെടുക്കാന്‍ ശ്രമിച്ച രണ്ട് യുവാക്കള്‍ പോലിസ് കസ്റ്റഡിയില്‍

Published : 30th December 2015 | Posted By: SMR

കളമശ്ശേരി: എടിഎം കൗണ്ടറില്‍നിന്നും പണം എടുക്കാനെത്തുന്നവരെ കബളിപ്പിച്ച് പണം തട്ടിയെടുക്കാന്‍ ശ്രമിച്ച രണ്ടു യുവാക്കള്‍ പോലിസ് പിടിയില്‍.
മാള പാറപ്പുറം സ്വദേശി മിഥുന്‍(21), തൃപ്പൂണിത്തുറ എരൂര്‍ സ്വദേശി വിഷ്ണു(19)എന്നിവരെയാണ് കളമശ്ശേരി എസ് ഐയും സംഘവും കസ്റ്റഡിയിലെടുത്തത്. സംഭവം സംബന്ധിച്ച് പോലിസ് പറയുന്നത്, ഇടപ്പള്ളി ബൈപാസ് ജങ്ഷനില്‍ പ്രവര്‍ത്തിക്കുന്ന മാളിലെ എടിഎം കൗണ്ടറില്‍ പണമെടുക്കാന്‍ വരുന്ന ആളുകളെ തെറ്റിദ്ധരിപ്പിച്ചാണ് പ്രതികള്‍ പണം തട്ടിയെടുക്കുന്നതെന്ന് പോലിസ് പറഞ്ഞു. കഴിഞ്ഞ 9ന് ഒരാളെ കബളിപ്പിച്ച് ഇവര്‍ പണം തട്ടിയെടുത്തിരുന്നതായും പോലിസ് പറഞ്ഞു.
ഇന്നലെ വീണ്ടും എടിഎം കൗണ്ടറിലെത്തുന്നവരെ കബളിപ്പിച്ച് പണം തട്ടിയെടുക്കാന്‍ ശ്രമിക്കുന്നതിനിടെയാണ് യുവാക്കള്‍ പോലിസ് കസ്റ്റഡിയിലായത്. യുവാക്കളെ ഇന്നു കോടതിയില്‍ ഹാജരാക്കുമെന്ന് കളമശ്ശേരി എസ് ഐ അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss