|    Oct 17 Wed, 2018 12:45 am
FLASH NEWS
Home   >  Todays Paper  >  page 9  >  

എച്ച് 4 വിസ നിരോധനം മൂന്നു മാസത്തിനകം

Published : 23rd September 2018 | Posted By: kasim kzm

വാഷിങ്ടണ്‍: എച്ച് 1 ബി വിസക്കാരുടെ ജീവിതപങ്കാളികള്‍ക്ക് യുഎസില്‍ തൊഴില്‍ നേടാന്‍ അനുമതി നല്‍കുന്ന എച്ച് 4 വിസ നിര്‍ത്തലാക്കാനുള്ള തീരുമാനം മൂന്നു മാസത്തിനുള്ളില്‍ നിലവില്‍ വരുമെന്ന് ട്രംപ് ഭരണകൂടം കോടതിയെ അറിയിച്ചു. കൊളംബിയ ജില്ലാ കോടതിയിലാണ് ആഭ്യന്തരസുരക്ഷാ വകുപ്പ് ഇക്കാര്യം വ്യക്തമാക്കിയത്. ഭരണകൂടത്തിന്റെ പുതിയ നീക്കം പതിനായിരക്കണക്കിന് ഇന്ത്യക്കാരെ പ്രതികൂലമായി ബാധിക്കും.
2015 മുതലാണ് എച്ച് 1 ബി വിസക്കാരുടെ ജീവിതപങ്കാളികള്‍ക്കും 21ല്‍ വയസ്സില്‍ താഴെയുള്ള കുട്ടികള്‍ക്കും എച്ച്4 വിസയില്‍ തൊഴില്‍ ചെയ്യാന്‍ അവസരം നല്‍കിത്തുടങ്ങിയത്. എഴുപതിനായിരത്തിലേറെ പേര്‍ എച്ച് 4 വിസയില്‍ തൊഴില്‍ ചെയ്തുവരുന്നുണ്ട്.
യുഎസ് സിറ്റിസണ്‍ ഷിപ്പ് ആന്റ് ഇമിഗ്രേഷന്‍ വകുപ്പിന്റെ റിപോര്‍ട്ട് പ്രകാരം ഇതില്‍ 90 ശതമാനവും ഇന്ത്യക്കാരാണ്. എച്ച് 4 വിസ നിര്‍ത്തലാക്കുന്നതിനായുള്ള തീരുമാനം ജൂണില്‍ പ്രഖ്യാപിക്കുമെന്നും ഇതിനായുള്ള ഔദ്യോഗിക നടപടികള്‍ അതേ മാസംതന്നെ ആരംഭിക്കുമെന്നും യുഎസ് ആഭ്യന്തര സുരക്ഷാവിഭാഗം മാര്‍ച്ചില്‍ കോടതിയെ അറിയിച്ചിരുന്നു.എന്നാല്‍ ഇക്കാര്യത്തില്‍ മുന്നാം തവണയാണ് സര്‍ക്കാര്‍ സമയം ദീര്‍ഘിപ്പിക്കുന്നത്്.
എച്ച് 1 ബി വിസക്കാരുടെ ജീവിതപങ്കാളികള്‍ക്ക് എച്ച് 4 ആശ്രിതവിസയില്‍ ജോലിചെയ്യാമെന്ന നിയമം 2015ല്‍ ഒബാമ സര്‍ക്കാരാണു കൊണ്ടുവന്നത്. ഈ നിയമം റദ്ദാക്കുമെന്ന് അധികാരമേറ്റ ഉടന്‍ ടംപ് വ്യക്തമാക്കിയിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss