|    Jan 21 Sun, 2018 10:32 am
FLASH NEWS

എക്‌സൈസ് സംഘത്തെ ആക്രമിച്ച കേസ്:മുഖ്യപ്രതി കീഴടങ്ങി

Published : 10th January 2018 | Posted By: kasim kzm

ശ്രീകണ്ഠപുരം: കുന്നത്തൂര്‍പാടിയില്‍ എക്‌സൈസ് സംഘത്തെ ആക്രമിച്ച കേസില്‍ മുഖ്യപ്രതി തളിപ്പറമ്പ് മജിസ്‌ട്രേറ്റ് കോടതിയില്‍ കീഴടങ്ങി. കുന്നത്തൂരിലെ കൂഴിഞ്ഞാലില്‍ മനീഷ് (36)ആണ് കീഴടങ്ങിയത്. കുന്നത്തൂര്‍പാടി ഉല്‍സവം നടക്കവെ കഴിഞ്ഞ 18ന് രാത്രി കുന്നത്തൂര്‍ കവലയില്‍ മദ്യവില്‍പനക്കിടയില്‍ മനീഷിനെ ശ്രീകണ്ഠപുരം എക്‌സൈസ് സംഘം പിടികൂടിയിരുന്നു. ഈ സമയം 15ഓളം വരുന്ന സംഘം എക്‌സൈസ് സംഘത്തെ ആക്രമിച്ചു മനീഷിനെ മോചിപ്പിച്ചു.അക്രമത്തില്‍ സിവില്‍ എക്‌സൈസ് ഓഫിസര്‍മാരായ എം വി അഷ്‌റഫ്, ടി ഒ വിനോദ്, എന്നിവര്‍ക്ക് പരിക്കേറ്റിരുന്നു. എക്‌സൈസിന്റെ പരാതിയില്‍ പയ്യാവൂര്‍ പോലിസ് 23 പേര്‍ക്കെതിരേ കേസെടുക്കുകയുണ്ടായി. എന്നാല്‍ ഒരു പ്രതിയെ മാത്രമാണ് ഇതുവരെ പിടികൂടാന്‍ കഴിഞ്ഞത്. കോടതിയില്‍ കീഴടങ്ങിയ മനീഷിനെ 22 വരെ റിമാന്‍ഡ് ചെയ്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day